手搖飲品幾乎係每個人香港人都飲過，夏天行街時拎住一杯飲已經變成常態～今次嚟到喺油麻地嘅Trouble Tea就有位同有冷氣俾你坐住等買嘢飲～ 一入店內感覺十分精緻，有唔少植物擺設，成個感覺好文青，而最特別係店內有唔少明星應援物俾粉絲打卡，仲有櫈俾顧客坐低等飲品添👀 望吓Menu，佢飲品啲種類都幾齊全👍🏻不論係純茶、果茶、定芝士系列等等都有齊，而最吸引我當然係不同口味嘅招牌珍珠鮮奶茶，例如黑糖味、宇治抹茶味、Oreo 味、阿華田味等等，計埋配料簡直係極多matching，選擇困難嘅人表示很痛苦🤭 最後我哋揀咗【黑糖波波OREO鮮奶】同埋【黑糖波波芋泥鮮奶】，黑糖波波份量都唔少，仲要好軟糯好Q彈，前者於頂層鋪滿脆卜卜嘅OREO碎去增加口感，有得咬有得飲真係好滿足！而後者搭配夢幻紫色漸層，芋泥十分綿密順滑，每一啖都吸到最濃郁嘅芋泥同奶香，簡直係係驚喜之作🤤 店員仲貼心提示要攪勻左再飲，咁就啱啱好🤓 識得飲，梗係飲少甜！Trouble Tea嘅特色手搖飲品主打健康、少甜，以迎合健康一族嘅需要！仲見到佢哋嘅水果茶亦十分吸引，採用新鮮生果調製，無額外添加～下次可以試吓其他款喇😋 🥢Trouble Tea Instagram Facebook 🥢Ublog Instagram Facebook #ULifestyle 應用程式 #ULifestyleApp #社群 #UBlog 香港 #台式飲品 #手搖飲品 #TroubleTea #troubleteahk #黑糖珍珠鮮奶茶 #水果茶 #珍珠奶茶
