大金蛋🤩🤩🤩🤩點擊圖片放大 一睇到e個大地標就知係邊到啦🥚這座咁獨特的建築物入面原來係會議室,所以普遍人就唔入得啦,不過原來旁邊都有好多野玩架,而且假日黎都好少人流,行起來都好舒服,第一次黎既彤彤昕昕都好開心,兩旁的商場仲隱藏左平時好少見到既全電子化商店,等媽媽我為大家介紹下啦😄😄🛵🛵 🤩一間無人商店入場前要用八達通拍咭,入到去擇選需要的商品,再自行去俾錢😆,價錢都係7仔價,不過佢有個優惠code,每單減$2,一包凍冰冰既Qoo 係$5,仲可以減左$2,$3包真係抵,彤彤昕昕好老實不客氣咁各人買左包,仲擇埋糖😂😂要自己埋單,無人睇住既情況下,擇野都自在好多,大家去開都不妨入去轉個圈,好得意的感覺點擊圖片放大 +3 🍦機械人雪糕店媽媽我大鄉里出省,除咗係卡通片見過之外,我真係第一次見,係電子版上擇選左要既雪糕同topping,機械人會係你面前表演斟雪糕😍$32/杯,$64/3杯,真係好得意 另外仲有丼丼機,可惜當日假期,而我哋又晏左去,已經賣晒,睇唔到啦。 除咗自助賣野外,佢仲有間好多小朋友既玩既餐廳,室內有好多座小廚房,室外有小木屋🏡,跳彈床,攀爬架,車仔🛴,氹氹轉,竟然連小水池💦都有😳😳見到都好消暑點擊圖片放大 +3 除咗行商場外,室外有好大個人工湖,仲有小青蛙🐸為你伴唱,彤彤昕昕係咁話要搵隻青蛙出嚟😂😂個境好靚,打咭一流。行出少少係單車徑,旁邊係海濱長廊,吹吹海風🍃兩旁的紫鈴木花都開得好靚🌸賞花看景聽海,一整個心曠神怡🥰點擊圖片放大 +13 揸車黎泊車都算抵$13/hr, 消費$200有2hrs 免費泊車,但要指定泊係第三期停車場🅿️。泊好車行上黎就係商場,都好方便。平時冇咩地方去,舒舒服服去海邊行去,玩下滑板車🛴單車🚴🏻♀️都幾好,旁邊仲有間超級市場,商場有乾淨廁所🚽,媽媽我需要既野都係齊到啦😆更多照片請到原文分享https://bit.ly/2ZKKpJN希望您鐘意這次分享,更多親子及旅遊分享,請like & follow Facebook #彤彤與昕昕生日手記 https://bit.ly/31w6RZz希望得到你們的支持,謝謝。#彤彤與昕昕生日手記#揸車好去處#親子好去處 #科學園