每日都忙呢樣個樣，覺得焗蛋糕好嘥時間好麻煩？其實某啲野有時放慢黎做，體驗一下焗蛋糕嘅樂趣，都係一種學習放鬆活動。今日就焗每間咖啡店都有得賣嘅「香蕉朱古力蛋糕」，紮實而濕潤嘅口感，配上香蕉自然甜味，再唔係食假嘅香蕉蛋糕。做法超快超簡單隨手就整到，睇完係咪即刻想整返個呢？ 材料 熟成香蕉3條 室溫全蛋2隻 無鹽牛油55g 低筋麵粉220g 砂糖10g 梳打粉1茶匙 第一步 先預熱焗爐至175C/350F，低筋麵粉，梳打粉，混合過篩，無鹽牛油用微波加熱30秒融化成溶液，朱古力切碎備用 第二步 用叉壓碎香蕉成泥 (愈細碎愈好) 第三步 牛油溶液加入砂糖攪勻，再加入雞蛋繼續攪打至膨鬆狀 第四步 將已攪勻雞蛋慢慢倒入香蕉泥中，過程保持攪拌 加入雲呢拿油攪勻 倒入已過篩低筋麵粉、梳打粉 慢慢攪勻至無粉狀態 第五步 蛋糕模底部及四周，輕輕掃上少許牛油 朱古力一半放微波爐加熱30秒成醬(做雲石效果)另一半放香蕉麵糊頂層 將拌好嘅香蕉麵糊倒入蛋糕模 第六步 放入已達175C/350F焗爐中層，焗大約45~50分鐘 可用牙籤插入睇下有無黏住麵糊 無嘅話就可以出爐，放鐵架上灘涷 Tips：做好嘅香蕉蛋糕可以放陰涼地方2–3日，想食嘅時候叮返熱依然咁好食！
