上次講完Trip有咩慘情事，都無乜理由唔分享下其實岀Trip有乜正野既 正所謂寓工作於娛樂，試問有乜野爽過一邊做，一邊玩咁過癮 賺飛行里數 係依個廉航當道既年代，大家儲既飛行里數都並唔係靠飛而賺番黎 不過，既然有機會比大家係平時消費之外再賺多D，岀多幾次Trip又可以賺張機票去旅行， 咁岀多幾次Trip都無所謂啦 食各國好西 民以食為天，有咩開心過去外國食當地既好西，雖然係香港基本上可以食盡各國美食，但始終不及當地人煮得咁地道既，有時加埋當地同事既好味推介 (好客啲既仲會請埋你)，根本就係抵到爛 Stay Behind? 如果夾到天時地利人和，好多人岀Trip都會鐘意stay behind，最直接既著數當然係可以慳到程機票錢啦，而且有好多地方根本就唔係大家既Travel List 入面，既然有一個機會可以借機去遊覽一下，當然唔好錯過啦 山高皇帝遠? 雖然我係上一篇先話到其實岀Trip唔代表唔駛做，不過某程度上岀Trip都可以緩解一下日日留係office 死做爛做既壓力，如果自己一個岀Trip仲可以借機避下腦細 (打比你起碼可以扮聽唔到?) 而且見下唔同國家既人既工作文化，或者會對自己既工作有一番體會 岀Trip係好定唔好，其實好難一概而論，但就我自己而言，身為一個旅行L，有得離開香港梗係正啦 加上無論鐘唔鐘意，個Trip都係要岀，如果能夠搵到個理由等自己開心下，苦中作樂，你話幾好呢? Facebook 專頁: https://www.facebook.com/officecrab/
