Oasis22穴點亮嫩肌 “皮膚成日好暗啞點算?”,周末跟朋友gathering,講起有朋友會去韓國,問大家有咩護膚品化妝品要買~於是就講起朋友K皮膚成日都好暗啞,煩惱緊用咩護膚品好~ 結論係,無架,做多啲去角質同美白囉,不過又唔係個個人膚質都可以用到美白產品架,以呢位朋友K為例,又成日敏感,加上佢本身係食開煙架，所以更加惡搞。 不過，最近有喺oasis beauty做過一個22穴facial,感覺幾好,所以推介俾朋友K，呢個22穴嫩膚facial好特別,佢將facial同穴位按摩集合埋一齊，上次喺係網上見到容祖兒代言廣告( http://goo.gl/PabJ0F),又有試做價,自己做開嗰間amber beauty 又就快完package,咪登記oasis beauty個22穴試做上去試下囉。但試完真係覺得唔錯。 oasis beauty環境唔錯喎! 我揀咗oasis beauty喺銅鑼灣分店,上到去覺得個環境真心唔錯,唔係好似一般美容中心咁咁大陣藥味,而係有好舒服香薰,一入到門口就feel到,跟住職員好nice咁接待我,俾我填完form又解釋完一輪,大概講下oasis beauty 22穴呢個treatment係做乜,跟住就入房開始啦。 聞香薰好like!! 我換完衫瞓低開始瞇埋眼,oasis beauty治療師幫我做咗基本清潔同peeling,因為要去咗面上污糟野,一陣啲精華先會易啲吸收，跟住我就聞到一陣陣香薰味,係薰衣草!!同啱啱入黎嗰陣味又唔同喎~治療師話呢個係22穴facial其中一個與別不同之處，因為會俾啲客relax先,跟住就逐個step做,有艾草草包球幫我按下頸肩啲穴位先,好舒服! 做到一半,我開始feel到有好舒服嘅點按壓穴位按摩,但又唔係用手指架喎,係有舊野按下按下,有啲涼浸浸感,oasis治療師話呢個係22穴翡翠玉棒點按法,係oasis喺韓國取經返黎之作,係韓國宮廷秘方,oasis獨家擁有,佢地配埋自家品牌啲精華護膚品,同唔同膚質狀況客人調配啱佢地嘅配方，我係因為缺水肌,所以oasis治療師就幫我加強補濕呢part。真係好tailor made咁喎。 22穴貫通血脈.通淋巴bling bling肌! 唔知係咪22穴篤中咗啲穴位，做完塊面係光澤咗好多,紅潤咗好多，當日有街去，即場喺oasis化埋個妝先走人,係出奇地貼妝！噢!!!我夢寐以求嘅貼妝術原來係要好好嫩膚先得！治療師話做完22穴好多客啲暗啞肌膚問題都可以解決到,連帶貼妝、保濕同收細毛孔,真係唔錯架~但佢宜家係一個package咁買,我喺amber beauty仲有兩次facial,都想轉會oasis beauty,但唔想做死一個22穴treatment,等我留意oasis fb睇下有無其他facial可以試先,到時一次過join應該會抵啲掛~ 仲有韓式茶點食! 做完個22穴韓國嫩膚facial,仲有個配式韓國22穴facial 茶點,係韓國松針茶黎,真係好養生啊~
