雞公嶺屹立嚮新界西北部,原名為「桂角山」或「掛角山」。雞公嶺上兩峰對峙,東峰大羅天(又作「大挂」)高572米,西峰雞公山(又作「小挂」)則高374米。大羅天之側另有羅天頂,高585米,為山嶺之最高點。三角測量站則建於572米高的大羅天上。雞公嶺的景觀十分開揚,元朗、錦田、石崗以至邊境一帶景色均一覽無遺。 自上年喜歡行山呢項活動之後, 就一直都有留意香港大大小小既山, 好想逐一征服。而對於雞公嶺既印象係高低起伏不定之外, 更被其外表既傷痕吸引, 呢D傷痕大概係由越野電單車所造成。 由於本身太懶又加上疫情反覆無常既關係,自2021年12月行完大刀屻後,整整一年無再行過山,1月初見咁耐無行就相約師姐—Milly月底一齊去行雞公嶺,誰不知佢身邊有朋友都想行,於是就一行五人一齊上山。 出發當日正值寒冷天氣警告, 市區氣溫低見14度而新界地區再低幾度,但仍然無阻大家既興致。9:30AM先跟師姐同佢朋友嚮上水廣場77K總站會合,再乘巴士到營盤站落車會合埋其餘兩位同行者。大約10:30左右一行五人開始出發上山。 由於雞公嶺全程無遮無掩,要行還是建議秋涼無陽光直曬既日子去行,離開初段石級,一踏上山徑,面前就能清楚睇見行走路線,只要沿路走絕不會迷路。 山路高低起伏不定,新手唔太適宜挑戰。 早嚮1月24日,天文台發出紅色火災危險警告,亦於當晚7時許,多名市民報案指林村郊野公園近雞公嶺一帶發生山火,火線初步長達80米,呢場火焚燒超過20小時,消防員終於嚮大年初四早上12點前將火撲息。我地當日行山所途經之處滿目瘡痍,處處都係火災後遺留下來既痕跡,睇見都覺得心酸。 生命力強既植物幸運地無被山火燒燬。 原本綠油油既山頭,一夜間就只剩底焚燬既痕跡。 由於天氣真係好凍又大風既關係,我地都選擇左呢堆石群用作掩護,坐底醫醫肚及休息。 遠望另一班山友從錦田/八鄉既支路上山。 當日所見,沿途不同位置都放置左好多指示版提醒行山人士勿靠近修復區。 大羅天標高柱合照。 雞公嶺標高柱。 經過左大約5小時多行程,我地終於來到最後一個山峰—雞公山,而最初選擇由粉錦公路橋頭上山既決定的確係無錯,由逢吉鄉上山係必需要先征服看似無盡既木梯級(圖)才可以到達山徑入口,當日沿梯級落山已經落到開始懷疑人生,到達山腳時雙腳已經發軟蹄。 雞公嶺的路途長,上落差大,係體能耐力既考驗,如果無發生早幾日既山火,相信綠油油山脈既氣勢同視野,應該可以媲美新界東北八仙嶺。