Leica 可以話係35mm旁軸菲林相機中既名牌,呢個品牌名字相信攝影人絕不陌生,而攝影愛好者一直都在追尋自己人生中一定要擁有既M機.但礙於Leica 出品既所有產品價格一D都唔親民, 就算連二手及擁有超過30年歷史既M6菲林相機,嚮2023年既今天, 二手價格一直都高企,外觀有缺憾平均HKD18000 至 20000 都有交易, 成品完好接近全新既隨時要HKD22000 或以上.自幾年開始從重投菲林相世界, 已經留意擁有M6既可能性, 幸運地前年嚮二手網搵到部外觀完好, 接近90%新既相機,索價港幣萬八大元左右既銀色機身連一支VOIGTLANDER 40mm F2鏡,當時以呢個價錢如果要選擇, 應該可以擁有一部先進而功能齊全既數碼相機連鏡頭,但正正因為M6果種獨有外觀, 簡約既設計, 快門轉盤, 快門按鈕, 菲林倉及電池倉外就什麼功能都無, 真真正正係純粹為攝影而生既相機. (Leica M6 with VM 40mm F2 - Cinestill 800T)基本上每星期都燒一卷菲林,享受果種既純粹攝影, 只可惜擁有呢部機短短4個月就因為當時入不敷出, 赤貧關係, 迫於無奈要賤賣套現, 一直都耿耿於懷.失去了M6既期間, 曾經擁有過NIKIN FE2, FM2, FM3A............想嘗試在使用過程中尋找到LEICA M6既感覺, 嘗試享受每部相機, 發揮每部機既個性特性, 可惜每部機都擁有不超過3個月,最後都一一被我放售出去.上年(2022年)8月, 舊東家發放左一筆可觀既花紅, 當知道將會收到呢筆花紅, 突然間令我想再擁有M6, 於是尋遍各大大小小相機二手網, 選擇比之前更多, 成品由差到完好既機都有, 可惜價錢已經比前年上漲左12% (淨機身), 如果要連鏡頭購買隨時需要三萬有找, 思前想後下都係選擇到專營LEICA 既店舖選購, 始終店舖購買會多一份安心及售後服務.最後選左部全黑(1999年生產序號)既M6機身加一支LEITZ 40mm 鏡, 雖然係貴但係我認為係值得, 由於本身M6既快門聲音相當細, 機身連鏡頭重量更比現有既無反更輕更細, 放入相機袋真係可以去到邊影到邊.到直至今日都仍然快樂使用中, 就算來緊既日子再遇到財政問題, 我都唔會再輕易放棄呢部好相機. (Leica M6 with Leitz 40mm F2)結論: 依家玩菲林就好似燒錢, 影菲林相更加變成高消費玩意, 不過相信只要經濟能力負擔得起, 嚮不影響日常開支既情況下, 將影菲林變成RELAX身心既活動, 未嘗不可.