來到2023年, 總算喜訊連綿不斷.先係肯定咗大女會嚮5月可以離開香港垃圾教育制度, 跟婆婆公公定居溫哥華,而細女亦都終於可以一嘗坐飛機既心願, 會向學校請假個半月去跟媽媽及家姐於當地生活, 六月中再跟媽媽坐回程航班返來香港繼續學業, 計劃於2024年會隋媽媽移民當地, 而我會留港繼續拚博, 保證三人當地生活支出.大哥一家四口移民英國都已經差不多三個月,雖然唔講得上生活富足, 但至少大嫂仍然替香港舊公司工作,加上佢地本身有儲蓄習慣, 相信日常生活開支能夠應付, 肯定可以過得無憂無慮.而我亦都嚮新公司順利通過試用期, 人工雖然未及得上對上果份工, 但都叫做好開始, 相信只要比心機, 應該可以慢慢加到昔日既水平.最後香港既防疫政策亦都因應1月8號內地全面通關, 除咗口罩令外, 所有防疫限制措施都已經解除哂,希望嚮2月就完完全全回復三年前既景象, 大家可以過返正常生活.