四個月前,7月初我主動去提出辭職, 決定要辭左一份人工唔錯, 花紅豐厚, 更有時會出足15,6個月糧既好工. 嚮香港, 為左生活得到保障, 生兒育女, 供書教學, 日常生活, 樣樣都係錢, 試問有邊個唔想搵更多既錢去應付以上開支? 舊公司起初工作地點係荃灣市中心, 返/放工日日如是都無覺得遠或不便, 但舊公司嚮2019年底唔知咩原因選擇搬OFFICE, 搬去一個更鬼既鬼地方-荃灣西有線大廈,慢慢用嚮返/放既時間, 閒閒地要3個小時來回公司屋企, 而工作壓力隨時間, 隨市況差慢慢增加, 再加上公司內部四分五裂,各自為政,種種問題導致我更加想離開.嚮工作上順利交接後, 我亦都嚮9月中離開了工作10年既地方, 小休一星期重新出發, 投入呢份新工作, 人工雖然比舊果份差好遠, 但相信慳D駛用, 生活上都無咩大問題, 最重要呢份工既地點(觀塘), 朝9晚6既五天工作, 打風,紅日都唔需要返工等等已經無得比較, 更重要一點係收工仲有足夠時間去陪下阿媽, 錢雖說係搵少左, 但賺返來既又何止錢呃. 現在我更加享受呢份工作, 除左能夠輕鬆工作之外, 我擁有更多時間去做自己喜愛既事,影相, 行山, 做GYM, 跑步, 星期六, 日更可以瞓到自然醒, 叉足電去迎接下一個工作周.當然, 我更加希望靠自己既工作表現換來公司加人工啦~~~~~~~
