釣魚翁高海拔344米，係西貢清水灣半島最高既山.如果你想征服佢就要選擇半見村或五塊田作為起點前往,一般人士都會選擇由五塊田涼亭則邊既釣魚翁郊遊徑起步, 而我今次就選擇近自己屋企既將軍澳醫院旁半見村上山. (至於前往方法,網上亦都有介紹, 嚮呢度不作詳細介紹) 來到迴旋處掘頭路就會見到半見村入口, 入口就係一個兩旁有欄杆既石屎路. 沿石屎路一直行走. 唔駛理會轉左轉右既問題, 一直沿路行就正確. 好快就會來到呢個位置, 有幾個方向指示, 只要搵陳屋村方向走, 繼續行程. 其實呢一帶係民居住宅, 大家來到一定要保持安靜. 一直都係行呢一類比較斜既馬路, 少d 氣力腳力都唔得. 來到呢度,經過埋公厠沿路上到較為平坦既路面,靠左手邊有一個被大樹隱藏住山徑入口.只要細心留意就會睇到. 接上登口山徑, 起初係由一d 不規則既大石堆砌出來既梯級. 及後既山徑越來越斜同埋開始要行天然既山路而成既山徑, 有清楚既指示牌引導大家行走.點擊圖片放大 +3 之後會來到第一個郊遊徑路牌, 繼續靠左行, 小心入左越野電單車既賽道.點擊圖片放大 再來到第2個郊遊徑路牌, 都係繼續靠左行. 行多十幾分鐘後, 就會發現開始有d 塞人...........係呀, 真係企左一班人嚮度, 每次來到呢個位置一定係有一班人嚮度整理行裝, 戴手套, 調教行山杖, 為真正上釣魚翁作準備. (來過3次情況次次一樣) 釣魚翁係香港三尖入面最易行既山, 其實都適合一家大細去挑戰. 不知不覺只係用十幾分鐘就可以攻頂, 而大多數人都喜歡到圖中既石打卡影相, 有無風險請自行評估. 標高柱位置附近其實面積相當小, 容不下數十人企定定影相打卡, 影左相就最好行開少少, 企埋一邊, 以免人撞人造成危險. 說時遲那時快, 影過相, 打過卡就要準備落山, 而落山位置就係上山相反方向......五塊田. 離開前遠望陽光下既釣魚翁山. 至於落山其實會比上山難得多, 因為由五塊田方上山或落山, 其實路程比半見村方向上既長, 而且山路情況唔理想, 石塊都較為高, 級級都好大. 落山時要留意石塊隙縫同埋必須手腳共用一步步落山. 沿山路一直走都明確清晰既路牌指示方向, 而我就選擇往清水灣方向, 五塊田離開. 前前後後連影相打卡, 上, 落釣魚翁都只係需要用3.5小時就可以完成行程.
