青山係香港西部最高既山, 高海拔583米,由於外形尖削及山頂建有電視廣播發射站, 所以被稱為香港三尖之一,其餘兩尖分別為最易行既釣魚翁同最耗體力既蚺蛇尖,青山屬於兩者中間.登山路線主要係東面青山寺,其次係北面良田坳既山徑或者南面連接蝴蝶灣既山脊線. 而我今次就選擇由青山寺起步上山, 對於一個九龍東既人來講比較麻煩,先要搭港鐵轉西鐵到屯門站EXIT A柸渡路出口出閘, 離開地鐵站後轉右一直沿路行去興才街再靠右轉上青山寺. 要上登山口必須走過面前一條至少有60度既斜路.到達青山寺門口靠左行就會見到黃色欄杆石屎路, 沿石屎路行幾分鐘後接上右手邊石梯級. 山腰位置有一個發射站, 可以行出去稍事休息再繼續行程. 呢個時候就要靠自己雙腳去應付又長又斜既梯級, 大約行+休息預40分鐘必可以到達山頂. 呢個警告牌真係無咩作用,其實山路與懸崖有一段相當遠既距離, 大家可以放心行走. 離山頂不遠. 見到呢段梯級, 恭喜你, 代表已經差不多到山頂, 而想跟標高柱來個合照就要嚮涼亭靠左再上一段梯級, 就會見到發射站及青山山頂標高柱. 登上青山俯瞰青山腹地，總有一種荒蕪之感，神秘，而又令人生畏。點擊圖片放大 標高柱旁總係有人喜歡企定定而唔打算行開, 唯有將你地兩位變成路人甲乙啦. 登頂後可以選擇沿路折返，亦都可選擇繼續前往青山腹地，不過青山腹地佈滿浮沙碎石。新手不宜，自己量力而為。如果要繼續前進，圖中發射站後方有小徑可以接上. 小徑走一段後又遇到另一支標高柱, 有人知道名稱嗎? 接上發射站小徑, 沿山脊落山, 一路上都係滿佈沙石既斜路. 要份外小心行走.爛路一條接一條，基本上無山徑可言，沿路無識別既路標，靠自己遠望需要行走既路線及以良田坳為定位的方向前進。回望青山先至發現其險度，每一步均需謹慎而行。點擊圖片放大 上上落落,有走唔完既山脊線就係呢次行程既特色. 當見到馬路即代表將會到達良田坳，而今次行程我就選擇以呢度作結,沿左邊馬路一直行走就會到達良景邨！ 可以坐輕鐵離開. 揸車入屯門無數次, 而坐輕鐵就真係第一次,更加唔知道原來要嚮站外拍八達通先可以上車(青山去良田坳路段係屬軍事禁區，射擊訓練日子唔好去呀.)難度:⭐⭐⭐⭐ 需時:4-5小時 路程9-10K
