最近開始返寫BLOG , 記載或分享下日常事.話說前年2019年既1,2月既時候我地一家因為政治因素及小朋友各方面前景考慮,我地決定為細B申請埋加拿大籍, 等兩個女有比較好既生活環境及舒適既學習生活(註:大女嚮3歲時已經申請入籍)終於等到上年8月中收到領事館確認信及郵寄護照.本想打算嚮今年既7月前會離開香港, 舉家移民去溫哥華居住, 重新過新生活, 誰不知上年年底爆出第4波疫情, 除此之外自身問題都令到計劃有變, 暫時要擱置移民計劃,而種種既因素加加埋埋都迫令我乖乖地繼續留嚮現有公司工作,別無他選.還好,最值得高興既係5年前借落用來裝修家居既貸款差不多還完, 而上月初公司又嚮最艱難時期加一點歸屬感比我, 至少呢段時間終於唔駛再做"月光族", 有返D錢剩落來儲起, 假如去到新環境要用錢時都叫做有個錢傍身.照依家情況睇來,先積極儲多D錢為將來,而兩個女亦都想享受多1年校園生活(由2020年初疫情至今, 似乎未有太多實體課生活), 太太都因為有一D私人事務要安頓好先可以抽身離去.希望種種問題都可以嚮下年7月前得到解決,我們一家4口連隻狗可以過無壓力既生活.
