首先, 如果你要去美國既話, 如無必要都唔好坐UA聯合航空! 因為佢地既系統真係唔係好得, 我出發個日佢就取消左我坐個班航空。而UA都係出左名坐位窄，會坐得唔舒服。不過就勝在夠平，手頭緊既朋友先好揀UA! 不過UA都算好人，每個乘客都可以有返一晚酒店同埋食券做補償，而就係咁我就係機場食左我一生都唔會再食既貴野，總叫做彌補左我既失落:P 講完ＵＡ，係時侯講番去美國既旅程B-) 去左好多國家，唯獨美國需要係上機前再check你既hand-carry 經過13小時既長途機，終於抵達左夢想中既角度：） 到埗後既第一個感覺係—舊。的而且確，世界上無乜地方有香港既機場咁靚，所以香港出發既朋友要好好珍惜香港既機場啊。 離開機場既時侯有朋友接，所以先無迷路。我朋友無私家車，所以就去左搭三藩市境內既地下鐵—Bart Train。坐上去感覺好似返左去以前咁，成個Bart Train由外觀到內觀俾我既感覺就係好殘舊，諗唔到美國咁發達既國家，其實好多內部既野都唔算太好太新。不過環境同天氣就真係好好。 好快就到左我係美國既第一站，伯克萊。到左之後我就直去朋友屋企，放低行李之後就係市內同學校—加洲伯克萊大學周圍行！ 伯克萊Bart Train Station~ 朋友家的窗外境色~d屋全部都好矮XD 伯克萊市內~ 係咪好有平時睇美國電影d feel呢XD 加洲伯克萊大學~正門-Sather gate 天氣很好XD 係美國食既第一個漢堡飽，比香港的都要大ＸＤ 就這樣消磨左我既第一日。美國真係無咩夜生活，因為通常一去到夜晚就有好多流浪漢出沒，所以一般都唔會出好夜既街。所以都係留番係屋企做自己野啦ＸＤ
