是甘的，之前去左日本睇左叫做《你的名字。》既戏，只能够话系超级洋葱既存在，以下既文章会系有小小雷，但系应该唔会影响到香港粉丝想睇套戏既决心（可能啦） 故事一开始系响2016年，男主角泷系一名画画高手，但系却有一次意外甘同三年前已经死左既女主角三叶每晚互相交换身体，因此为了互相了解，每晚都会响佢地身体上留下讯息（其实我想问下女主角真系唔介意一个男生‘寄居响佢身体？）。 直到有一日（2013年时空），三叶既婆婆同三叶讲以前佢都会发生甘既事情，但系原则上系冇可能穿越甘耐时空，因为理论上女主一家一早已经死左，知道事情既女主马上写低比男主，结果男主成功令镇长以‘避难演习’为由成功解救女主角，但系对对方（男女都系）只系剩下执着，直到佢地再次相遇…… 故事系响度完结既，其实故事方面新海诚老师既设定系几好既，用女主角既能力链接两个唔同既时空，重要成功将一个悲剧改成happy ending 系令我意想不到，本来以为故事会系男主角忘记女主角存在而完结，结果却系女主角以19岁既身躯黎见男主角，互相问对方既名字。；两个不同时空要靠住两个主角链接既故事非常少见，而阿北我都系第一次见，但系令人惊喜既不但系佢既故事线，更多系佢响小细节既刻画。 唔同角色出场既时候拥有住唔同既感情同埋过去，环境都会跟住角色既心境而改变：例如当女主踏入神社既时候，本来系春天，但系枫叶就好唔科学甘便黄掉落。虽然系怪怪地但系个人觉得有助刻画唔同角色既心境同变化。 至于音乐方面更系不可多得，四首主题曲分别有唔同既旋律感觉，我讲唔出佢地既分别（如果有睇我之前果篇文章都应该知道我中文堂咩都学唔到，所以讲唔出），但系配合到故事上，却能够起到催化气氛既感觉。音乐既歌词唔算系围绕故事剧情，但系比起其他电影既故事配乐几乎都系同剧情过于贴合，听完音乐就唔使睇戏，系就系催化气氛，但系甘我不如将睇戏既一百用黎买game 仲好啦。 总括而言，套戏虽然唔系宫崎骏既作品，但系就有超越宫崎骏既feel ,不论剧情设定定系音乐，小地方刻画都有超越宫崎骏既能力，系不可多得既佳作。 最后奉上《你的名字。》响台湾既宣传曲（唔知道播唔播到），音质有问题请见谅 [audio mp3="https://resource02.ulifestyle.com.hk/ublog/wp-content/blogs.dir/0/10654/files/2016/10/五月天-好好想把你寫成一首歌-320-kbps.mp3"][/audio]
