芬蘭浴（sauna，又稱桑拿），咪以為講緊砵蘭街啲唔正經場所，係講人家芬蘭嘅芬蘭浴文化，絕對係強身健體，舒解壓力的偉大發明。 係芬蘭幾乎每家每戶平均都會有桑拿設備，全國人口大約五百萬人，但就有超過三百萬個桑拿。芬蘭浴呢個芬蘭獨有嘅文化，係芬蘭人的必需品，不單是身心減壓的一種方式，亦係同親朋戚友聯誼的好地方。 原來人家邀請你去Sauna，係你嘅榮幸，因為邀請你去呢啲肉帛相見嘅地方，就證明你嘅地位係與別不同，聽講好多大生意同重要決定，芬蘭人都係桑拿房傾出嚟㗎。 芬蘭浴入門知識 適合任何人 －除咗嬰兒，身體有明顯傷口及患有心臟病人士，基本上芬蘭浴係適合所有人，當然大家要量力而為。 男女或家庭桑拿房 －普遍嘅桑拿房都分男同女，但家庭聚會的時候，是可以特別安排一個家庭桑拿浴。 用樺樹樹枝拍打全身－ 當你焗咗10分鐘桑拿左右，你就可以拎用凍水浸住嘅樺樹樹枝（又叫Vasta／Vihta）大力拍打全身，可有助血液運行，而且皮膚都會滑啲。 冰火二重天－ 然後梗係係冰大雪地下跳入湖水 （冬天就算結了冰也一樣）。最後再浸個熱湖水浴，再要重複來回以上三次左右。(咁刺激，真係聽到都想試啊！) 流咗咁多汗當然要補充多啲水分，我地就話飲水，但人家芬蘭人嘅傳統係飲啤酒或Sider，大家記得入鄉隨俗試下啦。 相片來源: Avanto Architects 資料來源 ：visitfinland.com 【nordicholic】www.nordicholic.com 結集北歐旅遊文化資訊 學習北歐人的慢活、知足、崇尚自然的生活態度 facebook.com/nordicholic
