有睇《拜託冰箱》或者《兩日一夜》或者韓劇《PASTA》既朋友應該對SAM KIM一D都唔陌生~ 今次小妹就去左SAM KIM主廚既餐廳食左個Dinner! （好彩岩岩返香港先爆MERS） ★ Buona Sera,Italian Restaurant ★ 係狎鷗亭落車，跟GOOGLE MAP行大概15分鍾就到架啦。小妹極力推薦開住GOOGLE MAP搵，因為好多細街好易行錯，位置大概係CGV後面，名店果邊。 入到去，環境唔錯，有餐廳自己種既herbs，仲有個酒台，而斟俾你既still water都係樽裝水黎既。 點擊圖片放大 咁環境都係次要，最緊要係食物嘛！小妹同朋友就試左個chef menu，成130 000 won，不過咁遠去到無理由唔試。 上菜啦！首先係個頭盤，個杯蕃茄汁(定水?!)真係好fresh好鮮甜，簡直係無得輸。 之後再黎，又係有蕃茄！真係好甜好好食！略嫌個芝士太乾。 再黎一味帶子魚子醬，加埋配菜味道都夾，美中不足係帶子過熟。 上湯～係冬菇湯加片鵝肝係下面，要鵝肝加個湯一齊飲先平衡到個菇味。 意粉！呢個真係唔錯，睇相都應該睇得出。不過份量呢好似太多啦，食完都真係飽飽地。 食左咁多其實都有d膩，所以下一道菜就係一個lemon basil sorbert，唔會太酸，兩個字－消膩！ Main Course 啦！朋友要左牛，小妹要左羊。兩個都好食，不過無話咩野太特別。 最後當然係甜品，擺得好有藝術感。特別既係白色果一支支野，唔係白朱古力，而係蛋白糖霜。 ★ 呢間餐廳(我估)個賣點係要將碟上面唔同既野一齊食，個味真係會有驚喜架！★ 其實間餐廳夜晚有3個set，一個75 000won，一個80 000won，另一個就係小妹食果個 130 000won。不過d野食同course既數量當然會唔同啦！根據小妹所見，餐廳個個都食130 000won果款。 呢間意大利餐廳適合情侶，或者商務人士食，一家大細既話搵餐廳可能有d煩，而且價錢方面比較貴(或者lunch平d都可以一試)。 地址：650-1 SHINSADONG KANGNAMGU,SEOUL KOREA 135-896 (Google Map既話打Buona Sera就搵到) TEL： 02-543-8373 http://www.buonasera.co.kr/ko/main/main.asp
