話說小妹上年十一月去左巴塞玩幾日，身為一個足球迷，雖然唔係巴塞迷，但都當然要去下巴塞個主場啦！ 由於小妹住Barcelona Sant，行去球場都唔算遠（其實都要20分鐘），所以就行去啦，沿路就無乜特別風景。如果係subway去就係Les Cort落車會近D，治路會經過一間大學。小妹亦見到有巴士會係更加近球場落。 話說去到個球場，本身我地3個人仔諗住買飛入去，點知有個local走黎同我地講，話佢買多左幾張飛，所以可以平d賣俾我地。本身都半信半疑，但佢話唔洗俾錢住，俾張飛我地入左一個人先，如果入到即係無問題，剩低係出面果2個人先俾果3張飛既錢。好啦咁有得慳就即管試下，d飛無問題最終原價€23一張既飛我地用€17就買到啦。朋友之後話可能果個local買group tickets 所以有得平...＠＠ 入場一開始係一個museum，擺左d獎盃呀，波衫呀（籃球／女子果d都有），仲有d touch screen俾你睇返歷屆既入球。再行入d就係主菜－球場啦！ 基本上除左草地，大半個球場既觀眾席，更衣室，記者會場地，傳媒講波位等等你都可以去到，而個tour去到某d地方仲會有人幫你影相，再俾條手帶你去最後souvenir shop 度揀相。 去到既主要活動都係睇球場，感受下氣氛(!?)同影相。對足球無興趣既朋友可能會覺得悶，小妹有位朋友就全程坐左係觀眾席XD。 行完球場出黎，當然唔少得行下3層既巴塞offical shop啦，呢間野係球場外面，唔洗買飛都入到既，小妹臨走果陣見到場外有栗子賣，見凍凍地買左幾粒食（無錯，係用粒計俾錢既），但食慣香港街邊果d就唔建議食啦，因為真係麻麻地！ 想知更多可以去 => http://www.fcbarcelona.com/camp-nou 睇下呀！ 值得去？ ★★★★/5★ 玩到幾耐？ 2－3個鐘 價錢：€23（大人）€17（細路） ＊球場外可能會有當地人賣平飛，不過小心d飛既真偽 Camp Nou Experience Tour & Museum Address: C/Arístides Mallol 12 (main Access 15) and Av. De Joan XVIII ( Boulevard Access 9), 08028 Barcelona. Tel: 902 1899 00 Metro: Line 3: Metro stop Palau Reial or Les Corts Line 5: Metro stop Collblanc or Badal
