一幻拉麵 蝦湯=瘦？ 啲人話30而立，我30歲換字頭受到好大衝擊目標係一定要脫單…咁點先可以幫到我脫單當然係要keeep好身型先呢期都好努力咁減肥尋晚放工好餓，本來想唔食，試下168減肥法但最後都係忍唔到口就去咗食屯門市中心嘅一幻拉麵諗住食拉麵冇咁肥因為佢地最出名就係賣蝦湯底咁我都唔夠膽加小食同飲品因為咁夜仲食咁多嘢真係會前功盡廢減肥對我呢啲咁鍾意食嘢嘅人來講真係好辛苦可以得碗拉麵食，特別珍惜都真係好好食，可能太餓我選嘅係蕃茄湯拉麵，不過成碗麵得一塊叉燒真係心諗洗唔洗咁寡，加埋嗰半隻蛋、兩片蕃茄其實真係飲湯同食麵為主最慘係佢地主打賣蝦湯底而且我好餓，所以將啲湯飲哂之後先諗真係幾肥喎⋯⋯算了，蝦湯好好飲不過78蚊原來只係食到呢碗份量咁少嘅麵下次我都係幫襯返39蚊3餸飯啲朋友喇…食完真係同店名一樣..一下幻覺咁男人老狗真係吸夠飽呀！夠竟點先可以大大隻又唔洗咁辛苦減肥！
