10分滿分評價係大概有8至9分，以港產片嚟講真係充滿驚喜可以話，劉青雲擔大旗，成套戲都係由佢一個人由頭支撐到尾咁樣講絕對唔誇張林峯都係一貫使徒行者咁嘅樣，演技唔差但係唔覺得有重大突破阿Sa都係一貫拍電影咁嘅模式，做咩角色都係咁嘅款但係劉青雲真係拍乜似乜，一人分飾多角真係連到激讚之作，希望佢下年會攞影帝，唔攞真係對佢唔住加上劇情緊湊，一個半小時絕無冷場內容亦都唔算恐怖，而且劇情唔算深到完全難以追或者理解可看性極高比較少睇港產片嘅我真係不得不讚，完全值回票價最厲害係點解一個演員可以撐一個半小時，都令你睇得賞心悅目另外李若彤都非常之靚，估唔到做Madam都有板有眼，演技唔算非常好不過角色限制於嗰個Madam係廢廢地所以睇吓佢個靚樣都唔錯另一個驚喜就係，好多臨記演員，都係明星例如車婉婉、洪天明等等你會發現好多人客串一兩個鏡頭，都係你識嘅人，覺得幾得意唯一有樣嘢係編劇上面唔理解，就係點解要塑造到奸角處心積慮多年就係為咗神探大戰？另外講到自己同歐陽sir係超好朋友，咁點解最後又要老屈佢兼殺咗佢呢？如果故事裏面可以交代一兩個鏡頭，其實奸角都不屑滿歐陽sir咁可能會比較順少少如果話因為嗰個角色根本就係癲嘅，而將所有劇情合理化，我覺得咁樣又有點那個不過最終都係想講，神探大戰真係本人覺得近年來比較出色嘅港產片真心值得讚！
