話說我既暗瘡問題已經跟佐我2年幾,以前青春期都唔會生暗瘡,我第一次生暗瘡係25歲個年開始,個時就維持佐半年,去睇西醫食佐半個月藥就好返晒,但啲毛孔個個次之後就開始變大,同好易出油。 相隔幾年之後又再爆暗瘡,好後悔今次冇一早去睇西醫食藥,攪到愈爆愈勁,啲皮膚就算好返都毛孔粗大,有痘疤又有印。我一開始係出去買暗瘡膏擦,擦極都唔好,就去換過一set canvas既護膚品,換佐依然都係keep住生,但感覺係好少少既,之後又買佐一set果酸家用milk peel黎做,都係控制唔到啲暗瘡,所以決心去睇醫生,個診所係雅蘭卓×專科中心,醫生話我依啲係荷爾蒙瘡,好多女性都會有,佢開佐2隻藥膏同1種藥我食,但啲藥量得2個星期分量,因為睇專科既關係,藥費都好鬼貴,要成$1500,我就冇再覆診,因為其實佢開既藥不外乎都係個幾種,之後係藥房配藥食,平佐足足$1000。到依家我已經食佐2個幾月,係好返好多了,但都仲有4,5粒瘡。如果想知開咩藥我食都可以pm問我。 我真係勸大家如果有暗瘡問題應該要去睇佐醫生先,唔好好似我咁持續佐2年都唔去求醫,依家我啲印因為太耐好難攪,我諗我之後等啲瘡好返晒會去做皮秒收返毛孔同去印。 **canvas同milk peel我會另外開2個post講下!點擊圖片放大