之前用過O’slee既瘦面泥﹑蜂蜜黄糖煥膚面膜同紅石榴鮮奶布丁面膜，覺得好好用，對哩個牌子已經留有好深刻既印象。今次用既就系全新推出既第四代玫瑰果紅寶石美肌水喇！不斷將美肌水研發再研發，相信第四代會愈做愈好呢！ 哩支玫瑰果紅寶石美肌水售價為HK$89.00，就有120ml，平時系萬寧特價就有得買喇！又平又大件，起碼至少用到一個月，上DotDotBeauty買，吾洗等特價都可以以HK$89.00就買到喇，仲送到屋企添，真系抵到冇人有~~就連學生都可以負擔得起！ 玫瑰果紅寶石美肌水標榜有六大護膚功效： *鎖水保濕 *潤澤肌膚 *美白祛黃 *抗氧化 *收毛孔﹑去黑頭 *增加肌膚彈性 亦可以幫助肌膚提升 *滲透力 *吸收力 *彈性 *緊緻度 *美白 *抗氧化 主要成份為美肌六環水﹑玫瑰果及豌豆精華。 而其中，我就最鍾意玫瑰果，因為玫瑰果既功效好好，好有美肌功效，功效如下： *修補受損肌膚組織 *促進肌膚自我更生 *推動骨膠原增生 *深層滋潤肌膚，收細毛孔 *抑制自由基，減慢肌膚老化 *淡化黑色素，美白兼袪黃 包裝簡單而精美，以女生們最愛既粉紅色為主，相信用後肌膚都會白裡透紅呢！ 個口好細，吾會一次過倒左好多出黎，仲有蓋蓋好，好衛生，吾會有細菌走入去。 透明水狀，有淡淡既玫瑰花香香味，同時亦冇好強好刺鼻既味道，因為佢系全天然，不含酒精﹑人造色素及香料等致敏成份，所以聞落好舒適咖，連我敏感肌都可以安心使用呢！ 每日坐系辦公室既我，肌膚被冷氣抽到好乾好乾，毫無水份，仲有D暗瘡印系到。 使用玫瑰果紅寶石美肌水後，當肌膚搽上美肌水，肌膚好快就吸收晒(吾洗2秒)，滲透力超強。平時用其他品牌既爽膚水，都要推多幾下先可以吸收晒，但o'slee美肌水好快就滲透晒系肌膚底層。用後仲會即時感覺到肌膚真系補濕左，仲可以KEEP到好耐添！ 用左大約一星期，暗瘡印開始慢慢減淡左，可以見到美白功效好好。肌膚明顯補濕左，冇再覺得好乾好乾。 平時系冷氣底下既我，塊面去到中午就好乾，要噴下一d保濕噴霧。但系依家用左O'slee美肌水一排之後，肌膚日日都好似飲飽水甘，水份可以keep到好耐，依家連噴霧都吾洗用添阿！ 除了當佢爽膚水甘用之外，我都會將美肌水倒落化妝棉到到，再抺上肌膚，由內至外甘抺，一星期都會用做一至兩次。當系清潔既一環，可以去除表面舊有角質層，令肌膚變得更為吸收，之後再搽咩都可以發揮到最大功效！ 我有時仲會當佢系急救面膜甘用，平時開夜，好夜訓既時候，肌膚問題就會不斷爆晒出黎，乾到甩皮又起粒粒，真系好困擾。 同樣將美肌水倒落化妝棉到，再濕敷系勁乾既位置上面，尢其系兩個面珠，真系乾到冇人有。大約3-5分鍾，肌膚好明顯有所改善，補濕左，又有番光澤。連續濕敷幾天，咩問題都冇晒！， 哩支玫瑰果紅寶石美肌水無論補濕定鎖水都做得好好，除左有即時既補水效果之外，都仲可以keep到好耐。而且，美白效果都吾錯，真系會見到d印慢慢甘減淡左，好有效。市面上好多美白產品都會忽略左補濕，但O’slee就吾會，兩樣都可以同時兼顧到。滋潤得黎又清爽，無論春夏秋冬都要有番支旁下身先得！用耐左，肌膚都好似緊緻左，仲有彈性左添。 除左可以當爽膚水用之外，又可以做肌底精華水又可以做水面膜，我自己就最鍾意爽膚水同水面膜既用法，因為可以完完全全feel到肌膚補充左好多水份。而且，平時出街都會搽d bb cream均勻膚色，但bb cream一般較為乾身，所以搽bb cream前我都會搽上O'slee玫瑰果紅寶石美肌水，先為肌膚補水再搽上bb cream，就會特別貼服，又吾易乾。一支多功效多用途既產品，又點可以吾試呢！
