位於中環大館嘅𝐁𝐞𝐭𝐰𝐞𝐞𝐧自開業以嚟一直係人氣打卡餐廳 點解會吸引咁多人去潮聖呢? 食完一次 就會搵到答案🥳 首先講吓餐廳環境 餐廳有室內同室外位置供選擇 想打卡嘅話 室外當然係首選🌟 由於太受歡迎 平日去想坐室外都有機會要等位 假日更加唔洗問啦🙈 👍🏻不過餐廳好好 客人可以留電話 有位嘅時候再打俾你 咁就唔洗浪費時間排隊 可以喺大館行吓 不過其實室內位置都唔差嫁 樓底夠高 空間感足夠 而且有落地玻璃 有自然光照入🌞 舒適度不比室外位置輸蝕很多 食物方面🧐: ✨ 𝐒𝐞𝐬𝐚𝐦𝐞 𝐌𝐨𝐮𝐧𝐭𝐚𝐢𝐧 $𝟔𝟖 呢款芝麻椰子奶 集合黑白兩色 以「富士山」杯登場 真係望第一眼已經勁吸引🤩 係打卡必點嘅飲品😍 飲落芝麻味好重 而椰子奶嗰味就唔係好出 口感會比較厚身 要攬拌好先飲 如果唔係就會飲到好多粒狀嘅物體 會冇咁順滑 ✨𝐈𝐜𝐞𝐝 𝐌𝐨𝐜𝐡𝐚 $𝟓𝟎 可免費選配唔同嘅奶 例如鮮奶、椰子奶、荳奶等等 冇諗到呢杯嘅賣相都咁靚 味道合格 ✨ 𝐒𝐭𝐫𝐚𝐰𝐛𝐞𝐫𝐫𝐲 𝐒𝐚𝐧𝐝𝐨 $𝟔𝟖 賣相又係好高分呀😙 中間夾住嘅𝐂𝐫𝐞𝐚𝐦 𝐂𝐡𝐞𝐞𝐬𝐞算細滑 食落唔會好𝐇𝐞𝐚𝐯𝐲 🍓士多啤梨亦都夠甜 而麵包雖然已經比平時食開嘅三文治鬆軟 但比起日本食到嘅 仲有啲啲距離 如果連麵包都做到超級鬆軟 咁就完美啦 至於價錢 略嫌少貴🙈 ✨ 𝐉𝐚𝐩𝐚𝐧𝐞𝐬𝐞 𝐄𝐠𝐠 𝐒𝐚𝐧𝐝𝐨 $𝟓𝟖 賣相一流𝐀𝐠𝐚𝐢𝐧😆 中間夾住碎蛋沙律、溏心蛋🥚 蛋有落鹽去調味 看似係普通嘅蛋三文治 但整體加埋其實幾好食 因為本身唔鍾意啲乾爭爭嘅三文治 呢款食落會覺得好「𝐉𝐮𝐢𝐜𝐲 」 蛋沙律亦唔係冇哂水份嗰種 ✨ 𝐀𝐟𝐟𝐨𝐠𝐚𝐭𝐨 $𝟒𝟖 首先個𝐄𝐬𝐩𝐫𝐞𝐬𝐬𝐨好香 而個𝐕𝐚𝐧𝐢𝐥𝐥𝐚雪糕本身個味都唔錯 倒埋𝐄𝐬𝐩𝐫𝐞𝐬𝐬𝐨落去 一苦一甜嘅混合 互相中和 好𝐌𝐚𝐭𝐜𝐡嘅配搭 好食😋 ▶️總括嚟講 「賣相好正😍」呢句感想突然變得好百搭 因為配落以上任何一款食物/飲品當中都無問題 呢間餐廳打卡指數真係非常高 點擊圖片放大 +2 但唔止係賣相靚 食物質素一樣唔錯 雖然不是十分驚艷 超有驚喜嘅味道 但做到賣相吸引 同時又好食 👏🏻已經好好了👏🏻 而且餐廳冇用餐限時 可以舒舒服服,冇壓力咁飲嘢、食嘢 🤗絕對係一次開心又滿足嘅用餐體驗🍽 𝐁𝐞𝐭𝐰𝐞𝐞𝐧 📍 中環荷里活道𝟏𝟎號大館賽馬會藝方𝟐樓 記得Follow埋我IG😊 : nat.dailyyy