由於幾日前先去買金光船飛, 所以好多"朝早"既時間都full 晒, 煱住要買豪華位。第一次搭金光, 落船要行成5分鐘先到入境處, 早知帶架BB車啦。出咗境就見到Galaxy 的shuttle bus, 大約5分鐘就到酒店門口, shuttle bus 唔會停Banyan Tree正門, 而係Galaxy 落車, 係大堂沿住右面向前行第二間就係 (第一間係大倉), 不過酒店入口十分隱蔽, 好容易就會行過咗。去到Banyan 大約12時多做咗pre-check in, 放低行李, 佢哋叫我哋3時返黎, Reception左面的counter 做check-in, 右面counter 做check-out。 由於未有房, 就係Galaxy 行吓, 順便食lunch 每隔30分鐘就有粒鑽石升起 仲會變色的 最後搵到間有烏冬食 食物冇咩特別, 所以無影相，反而影咗個waffle Galaxy 個casino 十分open, 有次差點行錯咗入去 有間舖賣Jelly Beans 點擊圖片放大 +2 大約3時返到Banyan Tree, 不過要再等30-40 分鐘, lobby 已經有人complain 於是乎就參觀吓酒店先 由於大堂坐滿人, 我哋就上咗一層, 好正, 冇人架, 呢層主要係ball room 有一間ball room 開咗門可以我望入去, 設計普通啦... 返而waiting area 仲好d, 望落無咁"娘" 再上一層係SPA, 室外泳池同人造沙灘 另一面可以通去大倉酒店 大約3:45pm 返reception, 去到counter 時有welcome drink, 個staff 又叫我等一陣, 佢話要入房check 吓, 跟住出黎就話有房喇, 同時周圍的人不斷complain, 大多數係一大班人, 需要2至3個房間, 但佢地又只比1間, 所以d人嘈哂... serve 我哋個姐姐同我哋一齊上樓, 佢好好人仲幫我拎個袋, 全棟有31樓, 我哋住27樓 有bath foam, bath oil and bath salt. shower 的水力ok, 唔錯!! 點擊圖片放大 +2 呢間房個view麻麻, pool view 可能好d, 不過咁早有房已經好好喇 女裝浴衣, pattern 淺色d 男裝浴衣就比較深色 有4支Banyan Tree 的水 Relaxation Pool 一入房個pool 的溫度係30度, 然後勁開熱水, 溫度最好去到36-37度左右, 間房原本只開一部冷氣, 但係細佬好似有點凍, 所以最後關掉所有冷氣 池邊有個tray, 可以放飲品, 食物 浴室比較open, 門冇得lock 有 iPod/iPhone stand, 可以播歌 個袋寫明唔可以拎走, 唔明點解泰國就可以, 細少少的袋係比女士, 其實女士個set 都有漱口水, 不過冇影到, 呢個set連detergent 都有 大少少的袋比男士 我地都算住高層, 最高係31/F 點擊圖片放大 +2 早餐在lobby 的Banyan Cafe, 可惜8:45am 落到去話full 晒, 要我哋上一樓的ball room 食 個早餐真的十分不吸引, 只有omelette 好少少, 太失望喇..... 唔知係咪ball room 食差d呢??? 仲有我影相時對面兩枱用奇怪目光望住我，要就位盡量唔好影到佢地... Bread corner 好難控制細佬唔好大聲講野, 個ball room 又靜, 驚佢嘈住其他人, 所以盡快食完就同佢出去影吓相, 老公同大仔就可以食耐d 食完就參觀31/F 個室內泳池, 不過冇影相 點擊圖片放大 Banyan Tree 個室外泳池, 不過今朝落雨, 所以close 咗, 希望下次黎果時唔好落雨啦 人造沙灘, also closed Club Car, 唔知係咪用黎載人去Villa呢 想講一講個咖啡機, 冇instruction，都唔知點用, 同埋無奶... 大約12點落去check-out, 要排10-15分鐘左右, 排我後面的女人大大聲用英文投訴點解check-out 要排長龍.... 唉!! 個個都係留到最後一刻先走架啦, 唔想排咪早半個鐘落黎check-out囉, 酒店職員可能見太多人, 所以連check-in 個邊都做埋check-out。 check-out 之後順便book 埋下次free果晚, 不過如果要book 星期日就要去到11月, 為左唔想影響小朋友返學, 所以最後揀咗8月的weekday Bye Bye, 希望下次酒店各方面都有所改善啦~~~ 後記: 新酒店一定有好多問題, 睇你接唔接受, 否則等一排先去住可能會好少少。今次我地3:45pm 先有房, request late check-out 又唔得，房間個view很差, 不過都算高層。2部電視有一部係無signal, 個remote又short short 地, 要噤好多次先得。另外，太細既小朋友入住可能有危險, 個pool話深唔深，話淺唔淺 (對小朋友黎講)，一定要睇緊d... 好彩2個仔仔知道要換泳衣先可入去個pool 玩。pool 附近好易有積水, 要小心行, 如果唔係會會跣到趴街。上述的都係小問題, 應該影響不大。
