"下 ? 又去東京 ? 唔去SHOPPING 得唔得呀 ?" 小妹每次想去東京,想約曾經去過東京既朋友去玩, 總係得到以上答案. 其實, 係東京無地方玩, 還是旅遊書無寫有地方玩 ? 豐島園 - 被遺忘的遊園地 豐島園可能是"最東京"的其中一個遊園地. 比起TOKYO DOME, 豐島園更大,更有水上樂園,機動遊戲等的設施. 最重要係, 距離池袋(西武線)僅僅15分鐘車程. 5天行程咁趕, 唔使去到富士急,一來一回用4小時咁耐. 有咩玩 ? 波浪池, 大滑梯等等呢D 大家可能都有玩過之外. 推介有機會要試下玩WATER JET. 雖然設計唔係非常特別, 但係試玩過, 我估你會想再玩. "我有時間, 係無地方去bor ! 有無好介紹先 ?" 不如考慮下去伊豆既伊東.. 去伊豆坐火車, 記得唔可以攪錯既係 : 要BOOK "SUPER VIEW 舞子" 系列車, 唔好BOOK 錯 "舞子" 系列車. 有幾大分別 ? 我用相片回答你. 仲要記住, SUPER VIEW 系列車班次比較疏, 所以要BOOK (特別係前排位) 既朋友要捉緊時間. 去到伊東, 緊係先嘆個靚溫泉啦. (至於邊間好, 留個言等我介紹你) 兩日一夜既行程, 仲有一日行邊好 ? 首先介紹下伊東既必行景點先. 伊豆公園, 一碧湖等等都值得一去, 特別春秋兩季景色怡人. 十分不錯. 而城之崎海岸更算是非到不可既景點, 有咩特別 ? 比幾張官圖大家睇下 : 點擊圖片放大 +3 城崎海岸有一條不錯的觀光線, 有興趣遠足既朋友真係要試試. 唔想行山, 鐘意出海 ? 有無諗過去伊東睇下海豚同鯨魚 ? 伊東市其實亦係之前有電視節目介紹過有漁夫捕魚捕鯨, 後來有轉型做導賞團既地方.點擊圖片放大 +2 拍攝這些相片的石井先生已經從事了這一類導賞團好一段時間了. 而且他有一位懂英文的助手, 可以讓大家更易於溝通, 享受整個旅程. 參加這個旅程, 支持當地的漁民以旅遊取代捕殺鯨魚, 也令自己覺得好像為海洋生態出了一分力 (有無咁誇先). 細心發掘. 東京去多10次都未去得厭.
