今晚入住洞爺湖嘅溫泉酒店,所以晏晝就要入洞爺。 洞爺湖 咁朝早去邊好?既然函館市內玩得七七八八,我地就決定去大沼公園散吓步。 大沼公園位於函館市北面,需要搭大約30分鐘特急,而正正係洞爺嘅方向,非常順路。 9.45am: 早兩日想劃位但full晒,所以要早少少去車站排自由席。 自由席車廂 話咁快到咗大沼公園站,站內有locker,即霸~~ Coin Lockers 強烈建議落車後去車站隔離嘅觀光案內所,至少攞返份園內地圖xdd 觀光案內所 11.00am: 當然要嚟大沼公園打卡位啦,但哩個只係起點。 打卡位 由於冇乜時間,所以淨係行咗個圈仔~~ 比較遺憾嘅係,能見度真係好低,見唔倒駒岳。 天氣不似預期 駒岳 (來源:Wikipedia) 點擊圖片放大 好香滑嘅函館牛乳 大沼公園實在太靚(當然天氣好仲靚),而且交通方便,大部分特急車都停站,可以話係必到! 12.30pm: 話咁快就夠鐘搭車走,要入洞爺嚕!! 由大沼公園搭去洞爺大概需要個半鐘,又係坐スーパー北斗。 乘換案內 一出站就見到巴士站,要坐巴士入去洞爺湖溫泉,單程330円。 巴士站 其實來回票價係600円,可以去洞爺站綠色窗口買。不過我地架特急遲咗差唔多10分鐘先到洞爺,架巴士2.25pm開車 ,所以拿拿林趕上車先,冇買來回。 2.45pm: 喺“桜町”站落車,終於到酒店喇!今晚入住洞爺乃の風,湖景超靚~~ 正門 Lobby 湖景 房間大,而且全部面向洞爺湖。 Standard Twin (スタンダードツイン) 重點 — 溫泉!! 靚景露天風呂~~ 露天風呂 (來源:官網) 敬請期待詳細介紹!! 行程嘅第5日將會去小樽嘆大蟹,仲會去童話十字路口,密切留意~~