第三日會去青森市內嘅主要景點~~ 青森犬 6.30am: 晨早流流去邊樹呢？答案就係青森市喇，今日係用JRPass嘅第二日，會搭新幹線落本洲東北嘅青森縣。 坐大約20分鐘函館liner到新函館北斗站，再轉北海道新幹線，坐多1個鐘鬆d就會到新青森站。 乘換案內 清晨函館站 為咗令車廂唔好太凍，通常都會設有開關門制，上車前要㩒制開門，上車後都要記得㩒關門制~~ 車外 — 開門按鍵 車內 — 開關門按鍵 函館liner車內 到咗新函館北斗站，轉新幹線要經新幹線閘口，拎住Pass嘅記得行人工通道。 新幹線乘換閘口 北海道新幹線分咗兩隻，包括はやぶさ同はやて，但兩隻都係全車指定席，記得劃位先好上車~~ 指定券 北海道新幹線(E5)車內 E5系新幹線 8.45am: 新青森到著！我地出閘喇~~ 咦咪住先......唔係要轉車去青森站咩？ 問得好，因為第一站係去青森縣立美術館，喺新青森站搭巴士去會近好多。 而巴士出發時間係0922，大把時間剩，去Cafe嘆番個靚早餐先~~ 我地坐嘅巴士叫ねぶたん号，係青森市內嘅觀光巴士，劃一收費200yen，而一日任搭Pass係500yen。 新青森站東口落電梯就見到巴士站，直行去搵3號巴士站。 ねぶたん号官網(地圖、時刻表附): http://www.aomori-kanko-bus.co.jp/topics.html 東口電梯 新青森站東口巴士站 3號巴士站 (來源：Yahoo Blog) ねぶたん号 上車拎整理券 ねぶたん号車內 落車前按鐘 第一站：青森縣立美術館 9.45am: 朝早做偽文青，去欣賞下artwork~~ 出入口 美術館有無料locker，要入100yen coin按金，冇就可以去counter唱。 無料 coin lockers 入場費係510yen。 門票 [510yen稅込] 大型畫作 留意入面有部分區域係禁止拍照~~ 青森犬 午餐：古川市場 12.30pm: 搭ねぶたん号到青森車站落車，再行多5分鐘就會到古川市場(青森魚菜センター)~~ 門口 哩個市場係食海鮮丼，但特別之處係幾乎所有食物都係用券換。 所以，入到去第一步梗係要買券先啦~~ 價錢係1300yen 10張。 食券 [1300yen稅込]我用咗12張券，包括： 飯 -- 1張 大蝦 -- 2張 三文魚 -- 1張 海膽 -- 3張 帶子 -- 2張 中拖羅 -- 1張 大拖羅 -- 2張 價值1560yen海鮮丼 味道方面就OK啦，但價錢平，CP值高，而且個人覺得幾有特色，必去！ 古川市場(青森魚菜センター) 營業時間: 07:00–16:00 (星期二休館) 地址: 〒030-0862 青森県青森市古川１丁目１１−16 (Google Map 按此) 第二站：ASPAM (青森県観光物産館) 2.00pm: 古川市場行10分鐘左右就會到ASPAM喇，見到三角形好高嘅果座大廈就係佢~~ ASPAM 外觀 ASPAM 主要售賣青森土產，地下樓層有幾間土產手信店，有賣各種蘋果產品。而13樓有個展望台，收費400yen。 青森蘋果汁 蘋果產品 展望台門券 天氣好絕對可以上展望台，風景唔錯，又有免費飲品。 點擊圖片放大 +2 落去地面果間PamPam食番個蘋果派，正！ 蘋果派@PamPam [380yen稅込] 第三站：A-Factory 4.00pm: 行10分鐘左右嚟到A-Factory，又係買土產嘅地方，比ASPAM更多樣化~~ 其實喺車站隔離，順便過來朝聖吓都值得。 點擊圖片放大 +2 第四站：帆立小屋 4.30pm: 相信大家都聽過釣帆立貝嘅小遊戲，雖然而家已經縮減到500yen 2分鐘，但都照玩！ 點擊圖片放大 結果係----一隻都釣唔到...... 其實比想像中更加難，不過有2隻安慰獎，好有良心。 可以選擇烹調方法，刺身或者燒烤。 刺身 燒烤 個人而言就鍾意刺身多d~~ 晚餐：鮨処あすか 新町店 6.00pm: 行多陣街就差唔多去食嘢，晚餐揀咗一間青森本土嘅壽司店。 提供衣架 づくし本まぐろ@鮨処あすか [800円稅込]叫咗吞拿魚三食，價錢平，質數幾好，但大拖羅可以更肥美。 青森3兄弟@鮨処あすか [440円稅込]一場落到青森就決定試吓青森3兄弟，包括帶子、魷魚同比目魚，食落新鮮，都抵食。 鮨処あすか 新町店 營業時間: 11:30–15:00, 17:00–22:00 地址: 〒030-0801 青森県青森市新町１丁目１１−22 (Google Map 按此) 7.30pm: 夠鐘返函館喇，我留咗少少時間去青森車站行吓~~ 青森駅限定嘅蘋果汁售賣機，入面全部都係100%青森蘋果汁，每支160yen，之前喺東京飲過覺得好清甜，我都忍唔住買咗幾枝~~ 青森蘋果汁專賣機 新幹線返回函館 青森當然唔係淨係得青森市，主要城市仲有八戶同埋弘前，下次夏天一定會去弘前蘋果公園摘蘋果！ 聽日會去洞爺，住溫泉酒店~~
