今次搭廚叉（港航）HX690班機，當日航班出發時間係0750，所以一早就撲到去機場。 0715最後召集 坐HX喺中場客運廊登機係意料之內，要搭兩個站無人，最好早d到機場。 正常都係早20分鐘(0730)關閉閘口，當日0715已經最後召集，地勤人員係咁催人登機。 0746離開閘口0805起飛 早餐西式選擇 — 香腸炒蛋 味道可接受，但餐包凍冰冰><。 沿途經過九州，見到櫻島火山。 九州 — 櫻島火山 當地時間1315著陸1326抵達閘口 日本上空有道西向東嘅常駐氣流，而且冬天會特別強，所以去程時間會大幅削減，當日提早約35分鐘著陸，總航程只有4小時10分鐘。 行去搭JR 注意攞完行李要行多5分鐘去國內線航廈搭JR。 搭車換飛要落B1/F，冇扶手電梯要慢慢排升降機... 而家去換東北南北海道Pass，今日將會落函館。 換領JRPass 劃指定席 國內線到着有間天丼，肚餓即刻整番碗嘆吓～ 天丼@天丼てんや [540yen稅込]唔詳細介紹喇，相信大家都好熟悉XD 依舊炸得香脆，汁嘅份量啱啱好，平野都有好野。 由新千歳空港去函館好簡單，只要搭一個站快速エアポート到南千歳，再轉スーパー北斗到總站就得，全程大約3小時30分鐘。 乘換案內 新千歳空港駅月台 1600有班快速エアポート接駁落函館1611開嘅特急スーパー北斗，但架快速1610先到... 1611點趕到去南千歳？ 今次死好命，架特急等埋我地班快速，架快速停車開門果陣即刻9衝過去對面月台上車～～ スーパー北斗車內 函館駅到着～～ 已經七點半，即刻過去酒店 check in～～ 行過一定會打卡XD 行咗5分鐘，終於到今晚入住嘅酒店 — 東横inn函館駅前朝市 當晚(3/1/2019)會員房價4680yen，平到嘔。 東横inn函館駅前朝市 — 門口 Double Room (ダブル) Book 咗第二平嘅房型，叫 double，房間同床都會大d。 最平果隻叫 Economy double，平但會更狹窄。 詳細介紹 ) 日本酒店介紹：東横INN函館駅前朝市 今日成日都係交通為主XD，第二日會正式開始觀光美食之旅，將會去五稜郭公園同函館山～～ 豪遊系列～[南北海道，青森9天] Day 2: 函館一日遊（五稜郭公園，函館山，金森紅磚倉庫）
