今日係9日行程嘅第二日,主要會去函館嘅著名景點,包括五稜郭公園、函館山等。 函館山展望台 9.30am: 函館一日遊出發!第一站係去五稜郭公園,但搭車前先去函館市觀光案內所買函館市電一日Pass(上電車買亦可)。 函館市觀光案內所位於JR函館車站內,提供函館市觀光資訊,亦有售賣部份相關票券,有時間不妨入去睇睇。 函館市觀光案內所 函館市電一日Pass賣900yen稅込,一日內可以任搭函館市電全線。呢Pass其實只要搭多個3程已經抵番,事關一程電車最平都要210円~~ 函館市電一日Pass 10.00am: 買完Pass就去電車站搭電車~~ 我地會由函館駅前搭8個站停車去五稜角公園前,需時17分鐘。 從後門上車,上車即刻攞整理券,用Pass嘅就唔洗攞。 落車果陣睇下車頭螢幕上show整理券number 嘅車費,張車費同整理券放落同一個箱度。用Pass嘅就show日子果面比司機睇。 記得刮開乘車日期 落車行10分鐘就到五稜郭塔(雪季15-20分鐘)。 第一站:五稜郭塔 10.45am: 天氣唔太差,決定上五稜郭塔。 門票售價:900yen稅込 五稜郭塔 — 眺望五稜郭公園 五稜郭塔 — 津軽海峡・冬景色 五稜郭塔 — 眺望函館山 落一層有雪糕店,見到又想食~~ 牛奶味軟雪糕@五稜郭塔 [300yen稅込] 第二站:五稜郭公園 11.45am: 落公園行吓~~ 午餐:麺厨房あじさい 本店 12.30pm: 傳說中嘅味彩鹽味拉麵,當然要試。 塩ラーメン@麺厨房あじさい [750yen稅込]話好好味又唔係,但鹹得嚟又唔係死鹹,好特別嘅味道,都值得一試。 麺厨房あじさい 本店 營業時間: 1100 - 2025 地址: 〒040-0001 北海道函館市五稜郭町29−22 (Google Map 按此) 1330: 食完拉麵過咗去六花亭,順便坐低食甜品~~ ホットケーキ@六花亭 [550円稅込]熱香餅熱辣辣,好香好鬆軟,有驚喜,唔怪得枱枱叫XD 第三站:函館山 4.00pm: 函館所謂百萬夜景,點都上去打個卡~~ 由函館駅前站搭3個站市電就到十字街站,再行10-15分鐘上去纜車站。 纜車來回價錢係1280円。 來回纜車票 人山人海 冬天日落時間大約4pm,建議3.30pm好搭纜車上去,因為真係好多人。 4.15pm 狀況 Magic Hour 就係重點,比咁貴上嚟仲要吹風流鼻涕,就係為咗影靚個 magic hour 景~~ 函館山展望台 — Magic Hour 第四站:八幡坂 6.00pm: 函館嘅景點夠晒近,由纜車站行10分鐘內就到八幡坂。 好出名嘅斜路,影吓相~~ 晚餐:函館まるかつ水産 本店 6.30pm: 今晚揀咗函館嘅壽司店,位置喺金森倉庫附近。 本まぐろ大トロ@函館まるかつ水產 [832円稅込] 大拖羅就唔多講,肥美x10000~~ 本まぐろ中トロ@函館まるかつ水產 [616円稅込]中拖羅反而有驚喜,魚味好出但又滑口。 生うに軍艦@函館まるかつ水產 [832円稅込]海膽就唔係話好甜,但食落都新鮮。 冬天唔係海膽盛產期,夏天會更好味。 函館まるかつ水産 本店 營業時間: 11:30–15:00, 16:30–21:00 地址: 〒040-0065 北海道函館市豊川町12−10 函館ベイ美食倶楽部 (Google Map 按此) 第五站:金森紅磚倉庫 8.00pm: 講起紅磚倉庫可能你會諗起橫濱嘅地標紅磚倉庫,而金森紅磚倉庫都係函館嘅地標之一。 裡面其實有好多嘢行,不過我地太夜去,倉庫7pm就close,唯有等下次。 9.30pm: 行完超市返到酒店附近,去咗 Lucky Pierrot 小丑漢堡食宵夜~~ 來到函館限定嘅小丑漢堡,當然要試吓第一人氣嘅中華雞堡(Chinese Chicken Burger)。 チャイニーズチキンバーガー@ラッキーピエロ [378円稅込]收廿幾蚊港紙真係冇乜期望,但食落滑得嚟又唔會唔熟,炸得香而且炸粉唔太厚,味道就似食開酒樓嘅某碟餸。 オリジナルラキポテ@ラッキーピエロ [346円稅込]芝士薯條冇驚喜,普通地好味。 今晚會入住 comfort hotel,近電車站又有免費早餐。 Double Economy Room (ダブルエコノミー) 無料朝食@コンフォートホテル函館 詳細介紹 ) 日本酒店介紹:Comfort Hotel 函館 函館一日遊完畢,聽日係青森一日遊,會去縣立美術館、古川市場等等~~ 豪遊系列~[南北海道,青森9天] Day 3: 青森一日遊(縣立美術館,古川市場,ASPAM,A-Factory,帆立小屋)