其實這次係小妹第一次聽 I Love Yo! 這個韓國品牌，最近韓風真係吹到好行，連護膚品都受到追捧，但我好少用韓國護膚品。這次看這個1 分鐘卸潔乳酪講到咁勁（有FDA驗證不含酒精、防腐劑、抗菌劑及 PEG 等。，又1 分鐘卸妝仲要係包括睫毛液、眼線、唇膏等防水化妝品+潔面），真係狠狠地擊中咗我，就心郁郁想試下~~ 1 分鐘卸潔乳酪個包裝真係幾得~成杯yogurt咁，打開真係有錫紙咖！ 通常情況許可的話，面部產品我一般都會先試喺手上，以免過敏中招。。。 以下係參與實驗1的產品們~~ 是咁的，卸潔乳酪打開後聞落真係幾香（似乳酪糖嘅味道），質地好似支裝洗面奶嗰d咁，雖然叫1 分鐘卸潔乳酪，但個人覺得1 分鐘係唔夠，洗完后有少量睫毛膏殘留。。。但整體效果還不錯 以下係參與實驗2的產品們~~ 實驗2令我覺得有d無言，因為佢話可以卸睫毛液、眼線，點知唔小心入咗眼，乸到不得了，真係好乸眼（眼水都標幾滴）！！ 我真係唔知點樣卸內眼線而完全唔會掂到眼！？ 而且用後皮膚會有點干，如果冇搽眼妝還可以，但如果有，一句到尾：人始終唔可以懶！！ 超低能之想扮返logo個pose 合照一張！
