第一次參加U Lifestyle搞嘅試食活動，可以去Bamboo Thai食番餐。其實呢間餐廳我成日都嚟食lunch，真係幾好食㗎，但有啲野都未試過，趁今次試下先。 泰式燒豬頸肉 豬頸肉肉質爽彈，燒到有少少燶邊夠晒香口，點埋個特製醬汁酸酸辣辣好開胃。 黃金蝦餅 炸得好香脆，蝦膠好彈牙，仲食到啲蝦肉粒，夠晒真材實料呀。 泰式蛋咖哩炒皇帝虎蝦 越南虎蝦隻隻都勁大隻，鮮甜爽口啖啖肉，個咖哩汁完全係個靈魂，唔辣但好香，佢仲加左花奶同蛋花，食落好滑溜，為左個咖哩汁，我另外叫左客蒜茸多士，一滴汁都唔好浪費呀。 火山排骨 呢個我每次去都會叫嘅，真係佢地招牌菜。用排骨砌成一座山咁，賣相好吸引，排骨炆得好腍，點埋佢個香草辣椒醬汁，酸酸辣辣好清爽！ 招牌蟹肉臘腸炒飯 炒到粒粒分明，蟹肉份量都唔少，泰式臘腸令成個飯好油香好好食呀。 芒果糯米飯 食泰菜又點少得呢個甜品呀，泰國水仙芒當造夠晒甜，糯米飯暖暖地，口感煙韌有少少黏口，配番球冰凍嘅椰子雪糕真係爽呀！ ULifestyle App 推出全新美食關注專區《社群》，以人氣飲食主題内容打響頭炮，由民間食神/KOL 分享每日美食提案，為各位提供深度交流及搵食平台！仲有每月放送獨家試食活動！傳送門：https://bit.LV/3tVTtLE Bamboo Thai：荃灣楊屋道 8 號如心廣場一期 1 樓 105-107 號舖屯門屯順街 1 號屯門市廣場 1 期 3 樓 3226 號舖旺角亞皆老街 8 號朗豪坊 8 樓 02-03 號舖FB: BambooThaiHKIG: @bamboothai_hk
