平時要約做左媽咪嘅朋友食飯真係好難小朋友坐唔定 食野又冇耐性多謝發明左親子餐廳嘅人 等大人可以抖一抖今次同朋友同佢女女一齊去左呢間韓式親子餐廳小朋友入場費158 包一份兒童餐仲可以入playroom玩 著韓服 參加興趣班 抵玩！ 小朋友自己揀左架跑車另外再叫左個蝸牛紫菜包飯 造型都幾得意 醬油炸雞炸雞皮脆肉嫩 小朋友勁鍾意炸野 連薯條都俾佢清晒食飽佢就去興趣班喇 有導師帶住 大人可以放心食野 三味牛小排 有原味 醬油 梨汁辣醬最好味係梨汁辣醬 甜甜地唔太辣牛肉油花好靚 燒完好油香嫩滑 大蔥牛舌薄切牛舌好爽口 加埋大蔥一齊燒好香好好味 韓式豬皮配炒芝麻以前去韓國食燒肉都會成日叫烤豬皮呢度嘅豬皮比較淋身膠質比較重 醃得好入味 厚切五花腩呢個會由店員換板幫我地燒好有心機燒到幾邊都好香脆逼晒啲油脂出嚟 食落肉質爽口彈牙 大八爪魚同樣由店員代勞 醬料有少少辣燒完仲係好柔軟多汁唔怕韌 佢要我影佢嘅作品同獎品放上網俾大家欣賞下😂
