點擊圖片放大 +11 🔥想食平靚正壽司，都唔一定去連鎖店既，銅鑼灣新開既「魚一」，價錢夠曬貼地，CP值極高，款式選擇仲好多添！難怪平日都好旺場，排左20分鐘先入座，不過好野係值得等待既！👍🏻我哋先試左刺身六點盛（$268）擺盆好吸睛，其中有油甘魚、三文魚腩、吞拿魚、鯛魚、赤貝同牡丹蝦，刺身厚切肥美，樣樣都好新鮮，特別係入口即化既油甘魚！❤️之後又試左三色刺身丼（$98）唔使$100蚊就食到鮮甜既海膽，超抵呀！另外仲有三文魚同帶子，同樣令人回味無窮。🥢除咗刺身，一定要試下卷物特別係鵝肝卷（$48）同牛油果軟殼蟹卷（$48）味道非常出色。另外芒果三文魚卷（$38）芒果同三文魚好夾好味，值得一試。🍗小食就試左明太子雞翼（$38）酥脆嘅雞翼包著咸香嘅明太子，真係好好食！🍣唔夠喉既話，仲可以散叫其他壽司款式，一樣都係咁新鮮抵食！鐘意食壽司既你，一定要嚟試吓啦！✨海膽魷魚（$22）希靈魚（$12）鰻魚（$14）
