點擊圖片放大 +4 喺酒吧食肆林立嘅諾士佛臺，呢度有間係食豬嘅專門店Blind Pig。呢次就嚟試吓佢哋除咗豬之外，其他嘅嘢好唔好食呢。炸豬手脆條配酸辣醬：用左連埋皮嘅豬手切條再炸，火候控制恰到好處，仍然保持肉汁同埋豬手嘅口感，調味得宜，蘸埋佢哋嘅酸辣醬，可以降低豬手所帶嘅油膩感，係款絕佳嘅酒吧小食。牛油果香芒大蝦沙律：沙律入面除咗有新鮮清新嘅牛油果，香甜多汁嘅芒果粒，經過烤煎嘅彈牙大蝦，爽口清新嘅沙律菜，最後重點係配埋餐廳嘅秘製沙律汁，酸酸甜甜帶小小嘅辣味，令清新嘅沙律增添多份惹味。芝士牛堡三文治：呢個三文治不得了，除咗佢入面有滿滿極邪惡嘅熱溶芝士之外，仲有肉味香濃肉汁豐富嘅牛肉漢堡，最後佢哋三文治嘅麵包都有濃郁嘅牛油香味，味道口感都好豐富。而佢哋仲有配菜薯條，即叫即炸，熱辣辣脆卜卜。慢煮醬燒牛肋骨：牛肋骨勁大條，同預想有好大出入，無諗過份量會咁多，牛肋骨嘅肉煮得好稔，而佢表嘅秘製醬汁好好味，再蘸埋佢哋嘅秘製燒烤醬，味道會更加好，更加惹味，而佢哋用咗煙肉一齊炒嘅椰菜仔，令清新嘅椰菜仔帶有煙肉嘅油香。Passion Apple：熱情果特飲加咗桃，同埋士多啤梨所做嘅Mocktail，甜度適中，果味香濃，好啱喺食咗咁多肉嘅時候飲。Minty Grape：用咗薄荷提子梳打，青檸，蘋果汁，蜜糖柚子所做，味道好清新清爽。#likes #likesbackalways #likeback #followbacknow #likesforlike #follow4followback #followforfollow #tagsforlikes #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #相機食先 #食好西 #吃貨 #photooftheday #大口仔在尖沙咀
