阿爺八鮮鍋呢間位於旺角登打士街嘅樓上雞煲餐廳,佢哋主打海鮮雞煲放題。燉湯:坐低就送上老火燉湯,清甜足料夠火候。餐前小食:喺Facebook只要like同埋share 就會有,日日唔同,今晚嘅係酥炸雞翼。刺身拼盤:呢個名為魔王西澳龍蝦象拔蚌海立魚刺身拼盤,入面有龍蝦刺身,龍蝦嚟自西澳洲,有嚟自加拿大嘅象拔蚌,海立魚刺身,火炙過嘅左口魚,日本嘅甜蝦。佢哋食材夠哂新鮮,即叫即劏,每樣刺身都食得出獨有嘅鮮甜味,雖然有多款名貴海鮮刺身但係我自己就最鍾意炙燒左口魚,魚油豐富,加上有秘製香甜嘅醬汁,更能突出魚嘅鮮甜味,令味道層次昇華不少。雞煲:呢個係招牌花膠年糕雞煲,個汁主要用左蒜頭同九層塔調味,可自選辣度,我哋呢個小辣都夠哂惹味,佢入面啲雞件夠哂入味,肉質嫩滑,多肉少骨,我就最鍾意。雞煲內除左雞件外佢仲有大大舊嘅花膠,同埋煙韌嘅年糕,兩者索哂啲醬汁,極為惹味。超級海鮮盒:每檯都會送上超級海鮮盒,入面有龍蝦,鮑魚,同埋扇貝。佢哋好新鮮生猛,鮑魚都仲會郁郁下。佢哋嘅扇貝非常鮮甜,鮑魚肉質爽口有嚼勁,龍蝦肉彈牙鮮美又唔黐殼。火鍋:阿爺是日湯底今日嘅係番茄牛腩鍋同埋香辣蝦米湯,蝦米鍋蝦味好濃,而牛腩鍋帶有少少辣,都幾惹味。食火鍋當然要食牛肉啦,佢哋呢度用嘅係牛小排,仲要係手切,即點即切。牛小排脂肪比例較少,唔會太油膩,牛味更加濃郁,加埋佢哋用上厚切,食落口感更佳。除左牛肉出色之外,佢哋火鍋配料都有好多嘅新鮮海鮮可以任食,入面我自己就最鍾意鮑魚同蟶子,真係好鮮味。呢間雞煲真係太多好嘢食,一次根本試唔哂,唯有下次有機會試埋其他野。#likes #likesbackalways #likeback #followbacknow #likesforlike #follow4followback #followforfollow #tagsforlikes #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #seafoodlover #seafood #海鮮 #雞煲 #大口仔在旺角點擊圖片放大 +6