DAY1﹣ 由成都坐大巴大約兩小時就到達都江堰市內。 入住熊貓THEME酒店So far so good ;) 市內有一整條街都是小食和餐廳呀！（但要留意大約六時就幾乎沒有甚麼吃的） 其中一檔燒魷魚幾有趣。一塊魷魚放係平板上不停“卒”，似洗板多過燒魷魚；然後枱上有十多罐味粉，老闆好似唔洗錢咁不停落，一問之下原來係味精。 都江堰夜景其實幾靚，企係河邊會feel到水不停湧埋黎。 點擊圖片放大 +2 DAY2﹣第二朝一早就真正入都江堰園區。 Leisure 日出 由於下午就要趕飛機，我地係園區入面係不停跑；亦都不停行錯路。 園區入面好大，加上得個幾度，辛苦到一個點。 點擊圖片放大 有幾條吊橋行個陣會郁郁下，不過成班人一齊跑又幾開心 終於去到水霸 都江堰﹣戰國時秦國主持建設；兩千多年來用作灌溉和防洪。 都江堰其實係世界文化遺產加上國家5A級旅游景區，比我想像中壯觀！（試過比大陸景點fake） 而上面水利工程係早在戰國時代興建，的確好impressive。 可以睇到好急的水流形成兩個分支；亦好難想像古時人點樣係急流下工作，工程背後負上的性命。 除左睇水霸， 另外一個目的係上奎光塔。 尋晚夜景時會睇到山上的塔浮係空中，幾有趣。 奎光塔﹣建於明代，為17層六面體部分雙筒磚砌古塔，是我國層數最多的古塔。 結果跑山跑左一個鐘（跑過龍）終於到啦！不過只可以遠眺，行上多幾級就要比多幾十蚊啦。 之後就瘋狂跑落山趕飛機... 另外都江堰內的青城山都係出名景點，司機大哥都話好靚!
