第一次做媽媽，我覺得似坐監，大肚時候已經好多野唔食得，唔做得，生左出黎，仲慘，所有時間俾哂佢，自己生活原全不一樣，為了照顧bb,家中多了工人，多了公公，本來兩口子的生活，變得完全沒私隱。眼見別人常哂娃，好似好幸福的，所以我從沒哂過，因為真心沒有幸福感覺。好想寫blog, 給可能想生小朋友的媽媽知道，不是每個媽媽都幸福快樂的，從來沒有朋友告訴過我生完的日子怎過，只說睡眠時間少了，當然不只睡眠少了這樣簡單! 先講身體變化，我大肚時沒有增加食量，只是運動少了，結果我肥了二十磅。我由細到未肥過，每日照鏡望到那三十五寸腰就想死!生完六星期後開始日日做gym個半鐘，35分鐘cardio,加25分鐘weight,再划艇15分鐘，三個月，只瘦了三磅，三磅!!!!!!!!我是每日做個半小時啊！ 餵人奶，不想節食，而我都不算食得多，我而家越買越多加大碼衫，因為無衫着番工，每次見到啲大件就好唔開心，舊衫又唔想棄，好想自己可以着番，衣櫃好滿好滿了，怎辦?! 朋友見親我就忍唔住話，嘩，你肥左咁多既? 我除左黑面，可以點答? BB 四個月大，開始脫髮，本來我頭髮唔濃密，依家明顯非常稀疏，每日沖涼後，全個浴室都係頭髮，好恐怖。肥，可能始終會減到，但大量頭髮沒有了，點算? 一直覺得自己有產後抑鬱，但未想自剎，應該未太嚴重吧，有錢都先見營養師，或者皮膚科，所以一直未想去見精神科，但老公話心情差可能導致脫髮，那我就寫寫blog,抒發一下吧。希望有緣遇到相似體會的媽媽，互相支持一下!
