點擊圖片放大 +9 牡蠣屋嚴選嚟自岡山縣、逾六十年歷史嘅北木島喜多嬉牡蠣養殖場嘅生蠔，品質有保證！喺90分鐘內大家可以狂食生、熟蠔、燒帆立貝、特色串燒、茶漬飯同埋手延烏冬等美食，上次食完非常滿意，今次再嚟encore。新舖有舊舖幾倍咁大，非常闊落仲有梳化位，坐得更舒服，可惜無咗富有特色既貝殼燈呢。 ♙ $598 90分鐘生蠔放題 ﹆時令海鮮湯 ﹆味淋魚干海鮮湯以茶壺盛上，底下有蠟燭保溫，湯頭超清甜，飲完可以夾埋蝦、元貝、蜆等湯渣出黎食；味淋魚乾煙韌富嚼勁。﹆喜多嬉懷石八品𖦹 魚生𖦹 明太子拌秋葵𖦹 伊勢海老羊羹𖦹 喜多嬉牡蠣茶漬飯𖦹 雲丹松葉蟹配蟹醋啫喱𖦹 炭燒活鳗𖦹 月見手工燒鳥軟骨棒𖦹 季節沙律改良左之前食既九宮格，換上藤織食物盤同精緻碗碟，感覺截然不同。保留左最吸引既月見手工燒鳥軟骨棒以及茶漬飯，其餘特別介紹開胃既雲丹松葉蟹配蟹醋啫喱，同埋外型吸睛、呈半透明既伊勢海老羊羹。﹆生蠔 ﹆燒蠔 ﹆焗帆立貝任食環節開始！同上次一樣都係主攻生蠔，食落肉質爽口鮮味，配上偏酸嘅士佐酢啫喱同微辣蘿蔔蓉，更顯蠔嘅甜味。我地食咗好幾round，雖然有大有細，但每隻都係新鮮、脹卜卜的！燒蠔、焗帆立貝就正常發揮，帆立貝既裙邊極有咬口。﹆串燒 ﹆松葉蟹舞茸五鳥手延烏冬配白象貝濃湯仲有六款串燒都可以任食，包括七里香、豬頸肉、甜薯、雞腿、雞心以及茄子，肉類比起上次有進步，無咁乾，但最推介茄子同甜薯，前者juicy，後者外皮脆脆地，勁甜。松葉蟹舞茸五鳥手延烏冬既湯底用超過10斤白象貝經24小時精熬而成，湯頭香甜偏清淡，個人prefer之前既撈烏冬多啲。﹆甜品櫻花造型嘅最中餅白桃雪葩配上日本黑糖蕨餅，煙煙靭靭，白桃雪葩好清新。﹆飲品汽水、白桃同柑桔梳打係任飲，唔夠喉可以加生啤放題哦～
