點擊圖片放大 +8 呢間位於太子既cafe門口呈圓拱型,配上石頭吊燈、紅磚牆壁、仙人掌裝飾,充滿沙漠風情,日頭係cafe,夜晚原來有酒飲架!♙ dinner set $488﹆ 頭盤𖦹 伊利比亞火腿忌廉薯餅薯餅酥脆,咬開係忌廉,面頭有啲火腿碎。𖦹 煙三文魚蕃茄牛油果沙律牛油果打得非常幼滑,與煙三文魚同番茄相當合襯,可惜少咗塊包配啲醬黎食。𖦹 蒜片欖油大蝦爽口既大蝦一定要連埋蒜片一齊食!𖦹 西班牙青椒仔 香脆多汁,如果可以再烤脆啲就更惹味了。﹆ 意粉 𖦹 蟹肉伏特加香辣蕃茄忌廉粗管通粉每粒粗管通粉都沾滿creamy嘅醬汁,食落帶微辣,加上蟹肉絲鮮味十足。﹆ 主菜𖦹 紅酒燴牛臉頰伴忌廉薯蓉絕對係驚喜之作!牛臉頰充滿膠原蛋白,肉質軟嫩,牛味濃郁,配上薯蓉食一流。﹆ 甜品𖦹 法式西多士 花生醬 煉奶 香蕉 焦糖曲奇碎 雲呢拿雪糕西多士外表吸引,配上bling bling既雲呢拿雪糕以及成塊lotus餅,可惜食落比較乾而且蛋香欠奉,同想像中既西多有出入呢。反而旁邊既焦糖香蕉超好味,脆卜卜又香口。﹆ 飲品𖦹 白酒/紅酒/水果酒 +$88兩杯 揀咗一杯白酒一杯sangria,sangria可以選擇sake/紅酒,飲落清新富果香。