包餃餃淨咗啲皮,唔好嘥~可以用嚟做pizza ga!!! 平底鑊就搞掂~! 包你成功~ 餃子皮pizza材料:餃子皮 6-8塊菠蘿 1片迷你紅椒 1隻迷你黃椒 1隻迷你青椒 1隻煙肉 1片茄醬 2湯匙芝士碎 3湯匙做法:1. 彩椒切去頂部後去籽, 再切圈備用2. 菠蘿片切粒備用3. 煙肉切碎後白鑊炒熟備用4. 平底鑊上塗一層薄油, 然後舖上餃子皮 *小朋友出場時間* v^w^v5. 餃子皮上塗上茄醬 6. 放上歡喜的涵料, 最後舖上芝士, 交返比媽媽 7. 平底鑊加2-3湯匙水, 加蓋以中慢火烘5-6分鐘 8. 食得 影片食譜請>>按我<<煮食小貼士:1. 配料可以隨意選擇, 唔好濕datdat就得2. size都係任君選擇, 皮多就舖多2塊, 皮小就細啲~ 3. 芝士我用呢隻6 mix, 又香又有拉絲~~4. 小朋友若年紀太細, 可以先炒熟所有配料先比佢地放上pizza