上年接受朋友的邀請一齊去挑戰富士登山，去之前最擔心自己上唔到山頂，雖然間中都會去行山。今次一團六人行，其中有兩名女成員；其中一個就係我 ！我們亦無參加登山團。富士山有四個主要的登山路線，分別為富士宮、須走、御殿場、富士吉田（河口湖）。我們當然選擇最熱門及較易的吉田路線。 河口湖駅 (天氣十分好，出發前一晚落雨。)當日早上七時四十分出發，大約五十分鐘車程到五合目。到達五合目時，天氣變得相當清涼。我們在登山口停留一小時等身體適應高山的氣壓，順便到附近觀光！(呢個先係重點，因為周邊有好多商店同打卡位。)如果買漏或帶漏裝備既朋友可以去到五合目買。果到有Mont.bell同其他行山用品，但係價錢應該比較貴。Mont.bell價錢無認真睇，但係其他行山用品就一定比較貴。 五合目名物 - 哈密瓜包 (好似200円1個) 味道就麻麻,不過個外型係富士山樣拎黎打卡都算唔錯。好啦，正式開波！ （登山口- 收登山費時派）早上十一時左右正式開始登上富士山。路線：吉田路線->御來光館預計路程時間：上山5小時30分，下山3小時 （御来光館官網站預計時間） 一開始行五合目-> 去六合目，沿途都有手洗間，大家唔洗太擔心，手洗間既味道都唔算太大，入前記得入200円，但係無水洗手大家需要帶酒精或濕紙巾。 下午１時七合目トモエ館（標高2,800m）七合目燒印 400円兩個印金鋼杖一支係五合目賣1000円加上燒印的價錢200至500円(一共好似有二十幾個印，所以我地話燒錢多過燒杖。去到後期我地有部份印已經無燒。) 七合目トモエ館 - 忌廉包 300円 (同朋友一人一半)下午3點04分終於行到標高約（標高3,100m）越上越言就越難行，越唔夠氣 下午5點36分トモエ館（標高3,400m） 下午7點終於到御来光館 (當日晚餐) 苦中一點甜(咁凍環境下真係要食返少少熱野) 800円拉麵食完野就要休息，但果到好似集中營一班人訓在一起，嘈到訓根本無辦法休息加上好似有高山症（痛好頭）。完全無咩點休息就繼續上山，由御来光館仲要行多大約兩小時先可以上到山頂。 零晨時分已經有好多人準備登山頂。因為我地住得比較近所以一點多先起床，準備上頂。 日出時間:4點28分真係岩岩好時間上到去。 出現啦，御來光！ 太陽出來了！ 今次最好彩係天氣真係十分好！影既相非常靚。實際路程時間：上山8小時，下山4-5小時。 去左郵便局寄信(到而家都未收到) 落山時，山勢陡峭。時不時有車經過，真係要小心！一個唔覺意就好易滑倒，我都滑倒個一次。建議拎兩支行山枚做輔助同用腳套落山。因為真係好多火山石會彈入鞋。後記：落左山之後小腿痛左三日。 裝備篇:想知道更多關於富士登山既問題，歡迎Email或Instagram聯絡我。Email: nekochau@yahoo.com.hkInstagram: https://www.instagram.com/neko.chau/?hl=zh-tw
