是日餐點 早餐:元祖博多めんたい (食明太子) 午餐: 博多地下街Doug's burger 晚餐: 吉列牛扒 博多出名食明太子，今次就安排左早餐去元祖博多めんたい 食個正宗明太子早餐！ 喺酒店搭100yen巴士去中村, 落車要行5分鐘左右就到了。不愧係名店, 想食早餐都等大概10分鐘位. 店家嘅模式係先比錢點菜, 然後再入餐廳用膳. 為左試哂原條明太子飯同埋沾麵, 我點左最豐富的set. (註：好辛苦先食得哂,建議一個叫飯一個叫麵再share好啲) 明太子蓋飯: 原來明太子個表面有層衣的, 食果層就撩入面啲明太子撈飯食. 老實說就無咩味道的, 淡淡的我就覺得無咩特別. 明太子沾麵: 湯底係幾濃的, 亦都見到有一粒粒明太子. 但佢調味有啲怪, 唔係太啱口味, 有種酸辣同咸的感覺. 實在太咸了, 加了湯都唔太想飲... 感想係：餐廳幾靚, 我仲望住個紅葉食飯. 但可能食慣香港啲明太子忌廉意粉, 覺得港式忌廉意粉濃味好食啲. 其實明太子本身係無咩味的, 而佢個沾麵就太咸了. 總括黎講我覺得又未算係必食嘅，可以試下其他明太子餐廳.... 食飽之後我地就去左爸爸期待已久嘅福岡Gundam Base. 依個係為呀爸特別加插嘅景點, 等佢喺日本都有得shopping. 福岡Gundam Base佔地成8800呎, 結果我爸爸都留左喺果度2個幾鐘～ 店內都有講國語同廣東話嘅店員㗎, 我地就遇上一位喺香港過去working holiday嘅女仔, 所以都唔使擔心長輩們有言語不通嘅問題！ 點擊圖片放大 Gundam Base喺運河城入面, 所以喺等屋企人嘅時候我都周圍行左陣. 不過又真係無咩特別舖頭好行...樓下有一層比小朋友買玩具嘅舖頭, 如果有小朋友黎都應該幾開心㗎! 由 Canal city後行大概15分鐘就可以返去博多車站. 我地首先醫一醫肚先, 之後就去左車站後面的超市補給! 博多車站附近都有超市的, 比大家做一個參考~ 我就係博多車站樓上嘅手作店Parts Club 買左啲耳環材料diy, 如果大家有興趣都可以去車站睇下. 點擊圖片放大 因為爸爸買了太多高達, 所以之後都係返酒店放低啲野. 休息左陣都夜晚了, 我地又搭了100yen巴士去天神行左陣街同食飯. 當時只係八點幾九點但好多舖頭都關門了, 原來天神依個購物區嘅舖頭都好早關門。 去左杜如風介紹過嘅古著店J&Marine, 可惜無開門>< 隨便亂入的吉列牛餐廳... 爸爸無食過吉列牛所以幾鍾意食. 我就覺得一般...香港的更好食 (例如秘嘅吉列牛就好好食啦!)
