每一支香水代表每段珍貴的回憶, 今次同大家介紹一下屬於我既香水收藏! ^_^ 首先要介紹既係新寵 <Chanel - CHANCE> 呢一支香水係打破左我對Chanel香水既誤解, 香味絕對唔會係好濃/好濁, 反而好清新, 有啖啖既花香, 好girlie! 如果有朋友仔想嘗試接觸Chanel既香水, 可以由呢個系列著手, 絕對會令你有另一番睇法! 第2支係 <D&G - Light Blue> 呢支其實係一支味道較為中性既香水, 亦係我人生擁有既第1支香水 先講味道真係非常清新, 聞落有少少檸檬味, 仲有百合花同白玫瑰既香味 最重要係呢支香水既long lasting程度係非常好, keep到大概有8個鐘! 第3支係 <CHRISTIAN DIOR - J'adore> 呢一支香水屬於花香調, 好明顯既紫羅蘭同玫瑰香味, 噴係身上面係會有一種好lady既感覺, 所以呢支香水好適合出席一d較為隆重既場合! 第4支係 < Chloe - LOVE Eau Florale Eau De Toilette> 呢支香水味道好fresh, 每次噴完都覺得自己好似岩岩沖完涼咁, 果種味道好似BB既爽身粉味, 好sweet ! 第5支係 < Diptyque - OFRESIA> 香水如名就係小蒼蘭既味道, 好清新既花香味, 呢支亦算係多用途香水, 唔一定噴於皮膚上, 亦可以噴係衣物上, 但味道就唔算係last到好耐了! 第6支係 <Diptyque - L'OMBRE DANS L'EAU> 我之所以會買呢支香水係因為呢個牌子既蠟燭baies, 用完個蠟燭絕對會好想搵同味道既香水擁有埋! 呢支香水除左有berry既味道之外, 仲有保加利亞玫瑰既氣味, 清新而不濁, 每次我噴完都會有同事問我今日噴既係咩香水咖, 佢地都異口同聲話呢隻香氣好特別! 最後一支就係 <Dsquared - HE WOOD Eau de Toilette> 呢支係我唯一一支男性香水, 一整支都好有檀香木味, 前/中/後調都係木味, 噴上身之後又會係另一種濃烈既男人味!! 利申 : 所有產品均為自購! Contact Me { 歡迎任何合作和試用} Email: ayamiyan@hotmail.com
