我嘅blog 主要都會係將我plan 好會去嘅路線寫出嚟同大家些牙, 因為我發現我嘅大計好多時會受時間所限, 過咗就無, 我唔想下下要去行一次再些牙返出嚟, 到時我無論玩得幾開心都好, 對你嚟講已經太遲, 無得跟一次, 變咗我自私玩咁, 有咩意思呢 相反, 寫路線計劃, 等有興趣嘅人照辦煮碗, 令到有人去經歷同我差唔多嘅經歷, 我覺得係得意嘅. 聽日得閒而又愛行山又愛食嘅人, 不妨照跟我嘅大計去行, 唔洗浪費腦細胞計劃聽日放假有咩做, 或者拍拖去邊度! 我聽日個plan 我覺得都幾天才㗎, 健康得嚟又有口福又慳到入南區嘅車費同避開(有機會嘅)塞車又好kill time又落雨都行到又多後繼活動(下刪1000字) 行山到南區食$6壽司大計 對象: 得閒又愛行山又愛食嘅人 時間: 6/24 路線: 灣仔mtr>堅尼地道(經合和中心)> 灣仔峽道 > 警隊博物館 > 香港仔上水塘 > 香港仔水塘道> 香港仔市區 長度:2.5hr 至3.5 hr 亮點: 地鐵站起步唔洗轉車, 全程靚路, 落雨都行得, 路線彈性可按情況調整 貼士: 1. 辛苦上到灣仔峽道可以係警隊博物館吹吹冷氣爽吓 2. 全程沿住香港仔水塘道同香港仔健身徑行最快最容易, 如天氣ok時間ok體力ok嘅, 可以在香港仔下水塘轉上香港仔自然教育徑環水塘半圈, 路無咁容易行, 時間上多45mins 左右, 終點一樣 請務必帶備雨具及充足食水 100萬獎金問題: 而家喺香港食迴轉壽司, 有邊度仲平過爭鮮$8 一碟?! 答案就係: 新開張嘅爭鮮 :lol: 爭鮮開分店會做優惠酬賓, 之前灣仔旺角分店開時做過$4, 而最近新開嘅香港仔分店就做$6一碟壽司. $6優惠期由22做到24號, 即係最後聽日.而我都市閒人亦都plan 咗聽日行山入香港仔食! 有無人覺得點解我要行山咁奇怪? 其實我成日都去行山㗎, 睇我多d blog就會知. 如果唔係行山, 我咁得閒呢時間好難用得晒, 而且我好為食但怕肥, 流汗後食多多都無罪惡感 :lol: 食完後可以去香港仔海濱長廊散步吹風, 坐去海怡行outlet亦得㗎 香港仔爭鮮新店資料如下: 爭鮮迴轉壽司 - 香港仔店 爭鮮迴轉壽司第18間分店將於22/6登陸香港仔! 我哋有超過60款壽司、刺身、小菜及甜品,全部都係經過嚴選嘅海洋食材。 快啲喺新店試業日(20-21/6)及開幕首三天(22-24/6),享受碟碟$6特價優惠啦! 試業及開幕日期間食滿$100,仲即送$100現金劵添!(送完即止) 香港仔店地址:香港仔大道190號地下B號舖連一樓 (goo.gl/lDVWov) 試業及開幕日營業時間:11:30-21:30 其他門市地址:goo.gl/zbPt7n