清萊自由行 金三角 白廟 藍廟 今次買左平平地嘅機票,去左泰北嘅清萊.好衝動就買左因為平,但買完之後上網又搵唔到有咩介紹,都好擔心好悶.點知又幾好玩,幾 relax,真係個個地方都有自己獨特之處 . 機票係HK EXPRESS HKD1,400 兩位,即700一位(冇包行李) 香港去清萊一星期得兩班 星期一 14:05 去15:45 到 星期五16:35 去18:50 到 清萊返香港都係一星期得兩班 星期一 16:45 去20:30 到 星期五19:45 去23:30 到 咁嘅時間完全附合我地打工仔請假原則,星期五去星期一返,只要請一日半就可以有個LONG WEEK END啦.而我今次都係咁. 清萊機場好細,只有幾個COUNTER,但都係因為冇咩班機,所以行李好快就出晒,其實係行李等人呢. 出左關係機場左邊出口有服務檯幫你搵的士,有晒收據,好安全,但就貴D,要 ß180 我地住係 Grand Vista Hotel Chiangrai 清萊格蘭德景觀酒店 的士由機場去只要20mins,去圖: 點擊圖片放大 我地book左個pool assess room,間房好大,好光猛,一打開落地玻璃窗就可以落泳池,但泳池不大,都夠深,唔錯.一晚都係HKD400左右,好平啊. 我地CHECK IN果時已經係9點幾10點啦,一放低左行李就去醫肚啦,去左酒店隔離BIG C,門口有 TUK TUK同雙條車,由BIG C去NIGHT MARKET 雙條車一人 ß30,TOTAL ß60,車到我地去NIGHT MARKET ,架車得我地兩個人咋. 順便一提上TUK TUK同雙條車果度有一個易拉架,有主要多人去地方嘅車資,包括 AIRPORT ,WHITE TEMPLE果D, 大家可以參考一下. 到左NIGHT MARKET啦,唔係好大,人都唔多,特色野都係有嘅.岩晒我LEE D 怕人多嘅人. 睇下!!生果幾平啊. P.S我果時exchange rate係4.3左右 即係個杯波羅HKD4.5 我地去左好似大排檔咁嘅大廣場食HOTPOT 果汁ß25,串燒3串ß20左右,芒果糯米飯ß40,火鍋(大碟海鮮,一籃菜同湯底)ß200,好平啊,仲要係好食,仲有LIVE听 TIM 第一日完~~ 第二日嘆返個早餐先,酒店早餐款式唔係好多,但都唔錯架.坐得都好舒服,最好係冇咩人.哈哈 食完早餐要去試下個泳池啦.最左方係我地間房,勁方便 之後我地又去左NIGHT MARKET果頭啦,因為上網見到有得租電單車玩,仲要係唔洗牌架(不過我BF係有牌) 我去左 ST MOTORCYCLE RENTALS, http://www.st-motorcyclerentals.com/contact 開店時間8.00am to 7.00 pm,間野好大好多電單車,有唔同$,有ß200,ß250,ß300...係講緊一日喎,即係24HRS,仲要係包左車上面人的醫療保險. 我地簡左個ß250,就係LEE一架啦,要去左入油先,ß30入哂成機油,正!!租車度好易搵,係金鐘鏤旁邊,去到就見到. 行程完全唔洗擔心,店員會介紹,只要你用手機GPS,完全無難度. 我地去左白廟同SINGHA PARK就還車啦,因為明天JOIN左LOCAL TOUR會再去. 今晚係係金鐘鏤果頭食BBQ,係上午冇意中經過見到嘅 咁多野食都係HKD100左右,兩個人都食唔晒.下面佢地FACEBOOK有店嘅地址,可以參考下. https://www.facebook.com/Maoyangbar/ 係泰國冇可能唔去MASSAGE 掛.NIGHT MARKET出面條街有好幾間,而我就簡左LEE間做左個THAI MASSAGE 好企理,D人又好有禮貌,玩左1HR THAI MASSGE好舒服,又唔會好似BANGKOK果D主動要TIPS,不過我都比左ß100 TIPS,TOTAL ß300好平啊. 地址: https://www.google.com.hk/maps/place/Akha+Ya+Massage+%26+Spa/@19.9048134,99.8330194,17z/data=!4m5!3m4!1s0x30d70667b9684cd5:0x963a3be84e616171!8m2!3d19.9048167!4d99.8329759 點擊圖片放大 係同一條街,我想介紹下一間CAFE比愛貓貓人士,間CAFE叫 CAT N A CUP,可以買野食/野飲入去搵貓貓陪你享用,亦都可以買包貓貓食嘅野喂佢地,佢地隻隻都好純架.行到累都可以入去坐下HAPPY下. 點擊圖片放大 正好有個妹妹比貓貓圍.HAHA. 第二日完 第三日 JOIN左個 1 DAY TOUR,因為酒店唔係係大街,所以直接同酒店BOOK,不過都唔貴,ß1000去9個景點,仲要包個LUNCH. 導遊完全冇迫我地參加自費活動KA,我地入左BLACK HOUSE,同OPIUM HOUSE,但冇去LONG NECK VILLAGE(因為冇人去,仲SKIP埋) 白廟的確係好靓. 點擊圖片放大 好多人用LUCKY LEAF寫心願,我都唔例外 BLUE TEMPLE都好靚,去圖 話說係起白廟的設計師學生的作品,D壁畫真係冇得頂. 重點係去金三角,金三角是緬甸、寮國、泰國交界地區,總面積約15-20萬平方公里。此處交通閉塞、疊嶂層巒,泰國政府在這三國交界點豎立一座刻有「金三角」字樣的牌坊,故這一帶被稱為金三角 (資料來自維基百科) 企係果度睇住緬甸同寮國,感覺好特別. 第四日, 今日就要回香港啦,去做返個SPA先得,係酒店有間SPA,價格又唔貴.住客仲有10%OFF 點擊圖片放大 +2 我玩左個MY DAY PACKAGE ß1300,折左ß1170.泡泡浴好香,如果住LEE間酒店一定要試下呢. 最後係BIG C嘆埋杯大 COFFEE就返香港了~_~ 今次LEE個LONG WEEKEND好順利好開心.清萊 LEE個地方我會再黎!! 2017 Apr.