一起身當然要醫肚啦. 向通仁市場出發!! 由景褔宮站(327)出,行10-15分鐘,都唔近架. 一出地鐵見到咁文青嘅牆,點可以唔扮下野呢~ 點解無人架?! 原來係旅行團未殺到,之後就勁多人...但比起以前已經好好.因為自從冇左大陸直航機,少左大陸人真好.今次4日之旅無見過大陸人，只有台灣人！ 點擊圖片放大 lee間疑似賣中藥嘅鋪頭,d藥名有中文,d名仲好好笑.有一刻想買"換骨奪胎"返香港防下身tim ,哈哈!! 點擊圖片放大 +2 好多野食都好吸引,但要留肚食正餐就食左少少咋! 其實通仁市場係好特別架,係可以用銅錢黎交易. 有一個門口坐住位員工,只要係比5,000 won就有一個黑色tray同一串銅錢,而每間鋪頭除左寫幾錢外都有寫幾多個銅錢 上圖係二人份. 如果買左咁樣一份就可以上去佢嘅餐廳慢慢食. =>官網請按我<= 我地無時間慢慢食,要趕下場著韓服啊! 上網搵左好多韓服嘅資料 =>可參考<= 我地今次去左 fundaykorea, D 衫好公主feel 收費有分普通衫 (10,000 won 2 hrs,15,000 won 4 hrs)同靚d嘅衫 (15,000 won 2 hrs) 我決定要靚d嘅衫,book左2 hrs,因為天氣太熱啦,4hrs會溶左. 係咪好靚呢,佢果度真係有超多款...一定有一件岩你. 到set頭啦.你可以自己set,紮頭髮嘅橡筋有提供,如果要租髪帶,頭飾就每樣收費,明碼實價. 如果唔想煩,可以比5,000 won,佢幫你set,頭飾果d全包,仲set得好靚tim. 果隻和風頭飾係我自己拎去嘅.我自己親手做架,緊係要借友人嘅頭show off一下.哈哈!! 點擊圖片放大 果度有幾個位可以影相,有櫻花樹,有床,有好多花,可以涼住冷氣自拍. 點擊圖片放大 我地走左去北村影,連cafe都係古典外形,岩晒影相. =>Fundaykorea 官網請按我<= 另外提一提大家，果度有攝影師架，如果有興趣可以請佢跟住你去影相，但好full架，要預先上網預約呢！！ 待續.... (16 Jun 2017)
