今次係三個女仔之旅. 坐 HK EXPRESS 去程: 週三 UO 614 香港國際機場 21:50 仁川國際機場 02:25+1 回程:週日 UO 3627 仁川國際機場 22:30 香港國際機場 客運大樓 1 at 01:05+1 買果時有一張單送回程20KG行李promotion,我地三個人去就一個20KG,回就各20KG,fit晒.位位機票HKD1,400左右 門口一出去就搵 6A牌就見到LEE架巴士啦.我地就坐N6001,去總站首爾站 有關N6001資料可 =>參考<= 車站有一個穿製服嘅"阿則C"可以問,完全無難度! 上車前要先同車長講去邊,再比車資,可找錢.只要果個站有人落車,到站時車長都會提你落車,好貼心呢~~ 我地第一站係汗蒸幕 SILOAM SAUNA 我係跟之前上網搵嘅路線行,如下 1. 下車過馬路朝首爾站走去。 2. 那時電梯已停止操作，大家只好提著行李走上樓梯。 3. 首爾站右邊右邊便是Lotte Mart，沿Lotte與首爾站中間的行人道一直走到尾（此刻右邊是停車場就代表你走對了） 4. 然後右轉，就會到達大馬路。繼續往大馬路走至三角形紅綠燈，就要過馬路了。 5. 過了馬路見到LEE個大廈就岩 點擊圖片放大 (上面張相收費係舊架) 去到門口就先付費同拎毛巾,晚上同早上價錢係唔同.5:00AM就當係早上,收費 10,000WON一位. 首爾汗蒸幕有好多,之所以揀呢間除咗因為有通宵車可直達,係食物好食(餐廳24小時架). 更有女性休息室,可以同男士分開,唔使擔心安全問題!仲可以避開鼻鼾聲!!岩晒我地三個女仔... 去到就洗白白先,因為更衣室冇得影相我就咁講下啦. 除晒衫先可以入澡堂,而澡堂入面只有番梘同牙膏,其他你要用嘅都要自己拎入去,如洗面奶,洗頭水,沐浴露,牙刷.... 入面有面盆可以用,可以放lee d野,而沖涼就用花灑坐係度沖,有d似日本果d. 另外佢有好多個浴池,有熱有凍唔同溫度!亦有桑拿房,房入面有鹽,可以一路焗一路磨砂. 有一邊有好多床,應該係有個阿珠媽擦背,但可能因為太夜已下班去. 洗完白白就到餐廳睇下有咩食先. 坐位都好大,唔中意坐地下,可以坐櫈. 我地叫左個豆腐湯,3隻"拾"蛋同一大杯rice punch share. rice punch 一定要飲啊,好好好飲架! 食飽飽小睡3hr就出發啦. 去完明洞大使馆唱錢之後就去搵雪濃湯啦. (唱錢係明洞站出,網上超多教學,我就唔寫lu) 由一品香行過去,行程如下. 點擊圖片放大 +5 我地叫左兩隻唔同嘅湯,再加左3隻餃子,早餐黎講份量岩岩好,d湯好清(好淡?!)雖然係兩隻唔同嘅湯但我飲唔出有咩分別.有配一碗白飯,而配菜就只有泡菜,係枱度，自己剪！ 我個人覺得一般,可以唔去. =>店舖資料請按我<= 食完之後就去酒店啦,我地3晚嘅家 Hotel Nafore 納法爾酒店 lee個酒店有住過,之前我屋企人去都係住lee間,真心推介,佢係幾條地鐵線中間. 酒店去鐘路3街(130)和乙支路3街(203)都一樣咁方便,約5-10mins路程. 如果機場去酒店更方便,可以坐巴士 601 ,機場上車時同車長講鐘路3街(韓文發音勁似廣東話) => 601 資料按我<= 紅色係去機場,紫色係由機場去酒店 (130) 15號出口 去機場我地測試過係一定上到車架,因為15mins一班,車程60mins,到去到機場果時都仲有幾個位. 其他站會唔會上唔到車我唔知.但鐘路3街一定上到車,因為仲有勁多位. P.S 如果係女士們就建議坐機場巴士,因為首爾嘅地鐵...好多樓梯...除非你想訓練強勁嘅臂灣! 酒店相片黎啦.都好夠大架,可以開3個喼.我地係3人房,一張大床同一張單人床. 廁所都好企理架,我下次去會再住lee間. p.s 酒店附近有兩間 ISAAC,睇伴飯秀仲可以行過去, 晚黑樓下有馬車大排檔呢 (紅色位置) =>酒店資料請按我<= 待續.... (15 Jun 2017)
