無錯呀...又係Mr.S 生日飯, 又係食Buffet 生日前夕, 99問Mr.S生日想食咩, Mr.S 又好完美咁交左個波比我 之前聽到好多人講Kerry hotel 個buffet 好正, 咁一於今次去試下 前一個星期先打去BOOK 位, 幾驚冇位, 好彩姐...下次可唔可以早少少通知?^^ 當晚因為同9962一齊所以唔係影左好多相...請見諒 星期日當晚都好FULL, 枱安排得有少少逼 一開始當然主攻左海鮮同刺身先 生蠔 - X產地, 直接去蠔BAR比枱號&人數落單, 會有waiter 送過黎 頭round 每人有3隻, 蠔肉偏小有蠔殼碎, 但新鮮有金屬味, 無咩after taste 燒龍蝦 - 又係直接去室外炭爐位比枱號&人數落單, waiter 會直接送去枱 完全無味...哈哈, 我連炭燒架味都食唔到, 好似咬緊舊膠 刺身 - 無影, 師傅切好放出黎比食客夾, Mr.S 食一round 已經無再拎, 用料質素麻麻, 無油香, 其中吞拿魚刺身完全不行呢 海鮮 - 凍龍蝦繼續似膠無味, 龍蝦鉗無味, 長腳蟹唔咸有好少好少鮮甜味 (簡直懷疑自己味覺, 同行5個人都係一樣反應) 蠔吧旁邊 即煙三文魚 - 好食, 即煙真係好唔同. 西班牙白毛豬火腿 - 咸香油份都好好 繼續打大佬, 去到熱食區 好長架食物枱, 由燒物 >>> 印度區 >>> 小炒 >>> 粉面燉湯 燒物 - 好似燒龍蝦一樣, 哈哈, 無味人生 印度區 - ......... 小炒 - Mr.S 有食, 清淡健康為主 每晚7:30 有燉湯出 - 飲得出無落味精, 繼續健康 由於太多選擇, 我同Mr.S 行完最後決定去凍海鮮旁邊拎石頭鍋 依個比出面BUFFET小見, 自己揀配菜同粉麵, 廚師會直接放入石頭鍋滾熟 比較重口味架選擇^^ 叻叻: 芝士+午餐肉+烏冬+泡菜湯 (加左芝士好好食) Mr.S: 午餐肉+公仔麵+泡菜湯 最後緊係要食甜品啦 甜品好多選擇, 自家制雪糕 + 分子雪糕, 朱古力噴泉 叻叻覺得全晚最出色係雪糕CORNER, 個EARL GREY 雪芭真心覺得超正, 其他味都好出色, 分子雪糕叻叻都有試, 當晚係朱古力榛子味, 口感好滑可以一試 點擊圖片放大 +3 當晚星期日可能都好多BOOKING, 好明顯見到唔夠人手問題, 長時間搵唔到 staff 幫手收碟加水. 我地要不停將碗碗碟碟疊高, 好彩餐枱都算大張. 見隔離好多 枱都走左, staff 都未有時間去處理. 總括叻叻比 Big Bay Cafe @KERRY HOTEL 評價: (5♥最高) 服務:♥♥ 食物質素: ♥♥ 用餐環境: ♥♥ 價錢: ♥ (成人$648, HSBC 有折) 試一次夠了!!!
