Mr.S 一年一度生日飯, 佢又係一個極之麻煩架男人, 唔鍾意試新野, 最好餐餐都係食牛扒搞到我依位人妻年年都諗到頭都爆, 5月架時候已經係咁留意有咩野啱Mr.S 心水, 咁啱收到KLOOK 個EMAIL - BUFFET 減300. 留意到W HOTEL - KITCHEN 好似幾正, 上網評語又唔差, 咁就決定左Mr.S 7月生日飯喇. Klook - W Hotel - Kitchen 訂完KLOOK 好快就收到W HOTEL 個確認EMAIL, 順手同佢地落埋個REQUEST 坐窗口位, 對住個海食餐飯都好味D. 6點鐘去到, 窗邊位置仲係好曬, 餐廳好貼心咁落左個防曬簾, 到差唔多日落時份, 餐廳拉返起防曬簾, 就見到大大個咸蛋黃出現喺眼前 BUFFET 範圍同用餐區完全分隔開, 叻叻覺得依個設計好好, 同Mr.S 都可以好舒服咁用餐, 用餐區枱同枱都有充分空間, 值得一讚當晚的Waiter / Waitress, 好留意客人架需要,收碟速度快效率好高 一開始就同Mr.S 就拎左一大碟海鮮 生蠔 - X產地, 大大啖肉, 冇蠔殼碎(開蠔師傅讃), 味濃鮮甜 熟蝦 - Mr.S一邊剝一邊叫"嘩...D 蝦好多膏呀" 翡翠螺 - Mr.S 成晚不停添食...仲話好正 蜆 - NORMAL LA.... 龍蝦 - 蝦味比較淡, 但彈牙 麵包蟹 - 一見到就心心眼, 好小BUFFET 有得食, 蟹肉鮮甜有海水味, 超正 總括KITCHEN 海鮮: ♥♥♥♥ (成晚REFILL 速度好快) Kitchen 刺身方面都好高質, 大大舊, 油香好足, 好新鮮 KITCHEN 刺身: ♥♥♥♥ (師傅好NICE架, 唔好比張相誤會) 前菜類都好多選擇, 叻叻正係試左幾種...無諗法胃口有限^^ 蕃茄水牛芝士 - 食左兩轉, 蕃茄新鮮帶小小甜味, 同水牛芝士簡直prefect match 西班牙凍湯 - 一般 西班牙火腿配哈蜜瓜 - 火腿咸香 + 淡味哈蜜瓜 芝士火鍋 - 好有驚喜, 脆脆麵包粒 + 香濃芝士, 正 KITCHEN 冷盤: ♥♥♥ 點擊圖片放大 +2 講左咁耐終於到熱食, 非常可惜叻叻唔記得左影, 掛住享受美食 我將我食過架野list 曬出黎啦 炒牛肉片 - Mr.S 試過一般, 牛肉太韌 香煎魚排 - 必食, 外皮煎到好脆, 魚肉唔腥, 加埋特制醬汁啱啱好 煎三文魚排 - Mr.S "好食" 韓式牛肋條 - 依個必食推介...Mr.S 食完又拎, 炆得好林入曬味, 甜甜辣辣一流 串燒雞肉 - 好重香茅味, 唔乾身, 但小左一陣炭香味 海南雞-麻麻 印式薄餅+脆脆 - NORMAL la 中式燉湯 蟲草花燉瘦肉 - 懷疑自己味覺...變左冬菇湯 點心類 - ok la~ KITCHEN 熱盤: ♥♥♥ 每次叻叻去食buffet一定最期待佢地d甜品位, KITCHEN 甜品款式雖然數量唔多, 但每款叻叻都清曬, 雪糕用上 Mövenpick 牌子, 足足食左4球好滿足 KITCHEN 甜品:♥♥♥♥ 點擊圖片放大 +3 每人包一杯餐飲之外, 叻叻同Mr.S 仲叫左ALL YOU CAN DRINK PACKAGE +$108/位, 可以任飲JUICE & SOFT DRINK 總括叻叻比KITCHEN @W HOTEL 評價: (5♥最高) 服務:♥♥♥♥♥ 食物質素: ♥♥♥♥ 用餐環境: ♥♥♥♥ 價錢: ♥♥♥ (HK$ 913.7 for 2 KLOOK) 一定會再黎!!!
