有冇人會去元朗/天水圍/流浮山一帶呀～～ 可以順路去 *繽紛世界* 玩下，過一個好繽紛嘅weekend! *繽紛世界* 係個新嘅場地，七月中先開！入面範圍都幾大，有2個大型水池，可以玩水Sir滑梯！入面仲有埋浮床、水泡等等。淺水嗰個池小朋友自己玩都OK，個滑梯都唔算快；深水嗰個池就1.3米深，有大人陪同就好啲，嗰邊個滑梯都幾斜幾快㗎! 點擊圖片放大 +3 其實Natalie一入到去見到有得玩水，就已經玩到唔捨得離開個池! 不過其實場入面都仲有好多其他嘢玩： ~兩組巨型跳彈床 ~挖波機 ~動物車 ~碰碰車 ~大量攤位遊戲 (易中獎過AIA!!) 點擊圖片放大 +9 玩到肚餓有冇得補給？ 場內有小食部，燒賣魚蛋公仔麵等等都有，飲品更加係唔少得啦，價錢亦都好合理，所以大家真係可以兩手揈揈就入去玩! 差啲唔記得講，場內有好多打卡位: 心型嘅花花隧道好靚！最好行一圈影咗相先開始玩啦~ 點擊圖片放大 +4 ~記住帶毛巾、防曬同埋梳洗用品，入面有更衣室，沖涼換衫冇問題 *睇完介紹係咪好想去呢～ 以下係各項實用資料： 繽紛世界 地址：元朗流浮山深灣路 (深灣畔旁) 交通： >自駕人士可以泊喺停車場 >天水圍或元朗西鐵站搭免費接駁巴士巴士K65到流浮山迴旋處落車，行5分鐘就到 >天水圍西鐵站轉的士，大約$4x $$收費 1.入場費：港幣$20 (新張期間免費‼️） 2.連環任玩套票：港幣$120 (星期一至五)；港幣$160 (星期六、日、公眾假期) [任玩項目包括：充氣彈床、碰碰車、卡通車、挖掘機］<--呢個幾抵！ 3.攤位遊戲收費：每局港幣$25 4.水上樂園 (7月18日至8月31日)： 每節可以玩兩個鐘，一大一細$100-$150，詳情可以睇相～ ^^玩完可以行去流浮山食海鮮、買海味，仲可以欣賞下漁村風光～ #親子活動 #暑期活動 #放電 #玩水 #跳彈床 #戶外活動 #流浮山 #開心 #好玩 #打卡一流
