啱啱嗰個週末同左Natalie去宿營，我哋去咗鯉魚門公園。度假營入面嘅建築物係仿二十世紀初歐洲式建築物咁樣嘅，幾有特色！ 點擊圖片放大 鯉魚門公園交通都幾方便，搭地鐵去到筲箕灣地鐵站，再轉乘的士或者搭Shuttle Bus入營都得。我哋預計2:30pm入營，不過錯過左2:15pm，所以就要搭的士（$24）。 我哋今次入營係參加左康文署攪嘅一個足球營活動，所以入到去之後先參加左一陣足球，不過Natalie冇乜興趣，於是我哋就去咗玩營地嘅設施。 營地除咗有個好靚嘅足球場，仲有得踩單車、打波（各種球類活動都有）、有兒童遊樂場、有室內playroom (全場都有軟墊，適合細啲嘅小朋友玩）、有得騎馬、有得做手工、有個小朋友攀石牆、跳舞班、卡拉OK房、電視房等等，真係完全唔使驚會悶！ 點擊圖片放大 +6 除咗營地活動，我哋發現呢度有間好靚景嘅隱細coffee shop，建築物外型好有特色，仿軍營嘅設計，風景都好靚，可以眺望鯉魚門。喺入面飲杯咖啡、食件蛋糕都係幾十蚊，感覺真係好relax! 點擊圖片放大 +4 之後我哋book咗燒烤爐燒烤，營舍入面嘅canteen可以提供燒烤包，唔可以淨係租爐同埋買燒烤用品（收費係$250），咁就可以隨意帶自己嘅食物去燒。燒烤嘅地方非常乾淨企理，旁邊就有洗手嘅地方，而且燒烤爐之間都有足夠嘅空位俾小朋友走動! 我哋就喺筲箕灣地鐵站A出口對面嘅一間凍肉鋪買燒烤嘅食物，味道都唔錯！ 如果唔想燒烤，可以在Canteen食飯~ 鯉魚門公園各樣都幾好，但係住宿嘅地方比較殘舊，比較簡陋咁樣。住宿嘅地方離玩嘅地方都有啲距離，上山落山咁，減肥就啱哂~ 不過一晚半晚冇所謂啦，最緊要要自備梳洗用品、毛巾、拖鞋、風筒等等。營舍有三人房/四人房等，一家人一間房絕對冇問題，仲有自己嘅浴室同埋洗手間。宿營嘅收費每人只需要幾十蚊，絕對係一個好抵玩嘅活動，啱哂一家大細去放電~ 點擊圖片放大 有興趣就去康文署個網頁睇下點book啦，手續好簡單的: https://www.lcsd.gov.hk/tc/camp/p_lymp.php
